Hagar hagnast um 3,8 milljarða

Hagar högnuðust um 3,8 milljarða króna á síðasta rekstarári sem nær frá mars 2014 til febrúarloka 2015. Fyrirtækið seldi vörur fyrir 77 milljarða og nam framlegð 24 prósentum en hagnaður var 5 prósent af veltu.

Þá nam EBITDA, þ.e. hagnaður fyrir afskriftir, fjármagnsliði og skatta, 5,6 milljörðum.

Heildareignir Haga nema 27,6 milljörðum og eigið fé er 14,8 milljarðar en eiginfjárhlutfall er 53,5 prósent.



Í uppgjöri félagsins kemur fram að helsti áhættuþættur í rekstri Haga sé óvissan á vinnumarkaði. „Ef til víðtækra verkfalla kemur munu verkföllin hafa áhrif á félagið, þó að á þessari stundu séu fjárhagsleg áhrif þeirra óljós.“