Ari Edwald nýr forstjóri MS

Ari Edwald hefur verið ráðinn forstjóri Mjólkursamsölunnar og hefur störf 1. júlí næstkomandi. Einar Sigurðsson mun láta af störfum á sama tíma. Þetta kemur fram í tilkynningu frá MS.

Ari hefur áður starfað í stjórnunarstörfum og var meðal annars forstóri 365 miðla frá lok árs 2005 til ársins 2014. Þar áður var hafði hann starfað sem framkvæmdastjóri Samtaka atvinnulífsins frá árinu 1999. Þá var hann jafnframt aðstoðarmaður dóms- og kirkjumálaráðherra og aðstoðarmaður sjávarútvegsráðherra.

Hann er með stúdentspróf frá Menntaskólanum við Sund frá 1983, lögfræðipróf frá Háskóla Íslands 1988 og MBA í rekstrarhagfræði frá University of San Francisco, McLaren School of Business 1991.