Neytendastofa bannar DV að auglýsa „frían“ iPad með áskrift

Neytendastofa hefur bannað DV að auglýsa „frían“ iPad og iPad „í kaupbæti“ með rafrænni áskrift og lagt 300 þúsund króna stjórnvaldssekt á DV.

DV hefur að undanförnu boðið iPad og rafræna áskrift að DV á 2.998 krónur með 36 mánaða skuldbindingu. Neytendastofa bendir á að með vefáskrift 1 á vefsíðu DV sé hægt að fá rafræna áskrift á 895 krónur á mánuði fyrstu þrjá mánuðina og 1.790 krónur á mánuði eftir það.

Verðmunurinn á þessum tveimur áskriftarleiðum er 334,9% fyrstu þrjá mánuðina og 167,5% eftir það. Því sé ekki hægt að segja að um iPadinn sem fylgir áskrift sé frír.

Þetta brjóti gegn lög­um um eft­ir­lit með viðskipta­hátt­um og markaðssetn­ingu og reglu­gerð um viðskipta­hætti að mati Neytendastofu og því hafa auglýsingarnar verið bannaðar og fyrrnefnd stjórnvaldsekt lögð á.