Bankamenn afsala sér bónusum vegna gagnrýni

Sex framkvæmdastjórar hjá hollenska ríkisbankanum ABN Amro hafa afsalað sér 100 þúsund evra bónus greiðslum, sem jafngildir um 15 milljónum króna vegna gagnrýni hollensk almennings á greiðslurnar. BBC greinir frá.

ABN Amro sagði í tilkynningu sagði að gagnrýnin kæmi illa niður á viðskiptavinum, starfsmönnum og trausti til bankans og því hafi verið hætt við greiðslurnar.

ABN Amro var þjóðnýttur í kjölfar fjármálakreppunnar árið 2008. Hollensk stjórnvöld hafa stefnt að því að setja bankann á markað á þessu ári en þeim áformum var frestað eftir að upp komst um bónusgreiðslurnar.

„Við vonumst til að þessi ákvörðun muni lægja öldurnar,“ segir í tilkynningu frá bankanum.

ABN Amro hagnaðist um ríflega 1,1 milljarð evra eða 168 milljarða íslenskra króna á síðasta ári.