ELLA er gjaldþrota

Héraðsdómur Reykajvíkur hefur úrskurðað verslunina Ellu ehf gjaldþrota. Þetta kemur fram í tilkynningu í Lögbirtingablaðinu í dag, þar sem jafnframt kemur fram að Sigríður D. Jóhannsdóttir hafi verði skipuð skiptastjóri í búinu.

Eigandi verslunarinnar, Elínrós Líndal, hefur vakið mikla athygli undanfarin ár. Þekktust er hún þó fyrir að vera stjórnandi fatamerkisins ELLU. Í viðtali við hana í Lífinu, fylgiblaði Fréttablaðsins, í maí árið 2013 kom fram að Elínrós hefur starfað sem blaðamaður, er menntuð í sálfræði og með MBA-nám í stjórnun og fyrirtækjarekstri frá Háskólanum í Reykjavík.

Elínrós starfar nú sem verkefnastjóri hjá Samtökum iðnaðarins.