Föstudagstilvitnunin: Fran Lebowitz um Airbnb

27. mars 2015 00:00

Fran Lebowitz og Andy Warhol voru miklir vinir. Myndin var tekin 1977. Vísir/Getty

Höfuðeinkenni höfundarins og mannlífsrýnisins Fran Lebowitz er kaldhæðni; hún lýsir yfir vanþóknun sinni á nánast öllu.

Að undanskildnum sígarettum, en hún lýsir reykingum sem sinni uppáhaldsiðju.

Auk reykinganna kann hún að meta falleg húsgögn og tísku.

Fran Lebowitz á Óskarsverðlaununum í fyrra.Glamour/Getty

„Ég er á móti Airbnb. Ég vil ekki að þetta fólk sé að koma hingað. Mér er alveg sama hvar þau gista. Gistið heima hjá ykkur.

Stundum geng ég um og segi, „Fariði heim.“ Á enginn heimili? Á sama tíma og Ameríkanar hafa miklar áhyggjur af innflytjendum, hafa þeir engar áhyggjur af ferðamönnum, en ef ég mætti ráða væri þessu öfugt farið.

Ég væri til í að standa við landamærin – í sjálfboðastarfi – og segja:

Þú mátt koma, en þú verður þá að flytja hingað. Ef þú ætlar bara að vera í fjóra daga, þá máttu ekki koma. Þú afsakar þetta, en hér er listi yfir aðra leiðinlega áfangastaði sem þú gætir haft ánægju af að heimsækja.“

Glamour Líf og heilsa