Viðskipti innlent

Brugga bjór fyrir íslenska bjórnörda

Aðalsteinn Kjartansson skrifar
Gæðingur setur á markað Double IPA bjór sem bruggaður er af bjóráhugamönnum.
Gæðingur setur á markað Double IPA bjór sem bruggaður er af bjóráhugamönnum.

„Við fáum lánaðar græjurnar hjá gæðing til að brugga þrisvar til fjórum sinnum á ári og fáum algjörlega frjálsar hendur,“ segir Eymar Plédel Jónsson „Við erum í raun að gera línu fyrir gæðing en höfum ótakmarkað stjórn yfir því sem við erum að gera.“

Fjórir félagar tóku saman og brugguðu fyrsta bjórinn í þessu nýja verkefni. „Þetta eru heimabruggarar og bjórnördar en hugmyndin er sú að þeir sem hafi áhuga komist að, ef þeir vilja. Svo lengi sem þeir kunni til verka,“ segir hann. Fjórmenningarnir eru þeir Bergur Gunnarsson, Gunnar Óli Sölvason, Steinn Stefánsson auk Eymars.

Úr bruggunarferlinu.

Ekki fyrir hvern sem er
Fyrsti bjórinn sem þeir brugguðu heitir MIB og kemur í verslanir í dag. Um er að ræða Double IPA, eða Double Indian Pale Ale, bjór sem Eymar segir að sé bragðmeiri heldur en venjulegur Indian Pale Ale

„Þetta er miklu bragðmeiri, stærri, sterkari og beiskari bjór en venjulegar IPA,“ segir hann um fyrsta bjórinn. „Allir bjórarnir sem við ætlum að gera eiga að ögra bragðlaukunum hjá fólki,“ útskýrir Eymar.

Samkvæmt Eymari ætti bjórinn að höfða til lítils en stækkandi markhóps hérlendis sem kalla sig bjórnörda.

Í takmörkuðu magni
Sami bjórinn verður ekki bruggaður oftar en einu sinni en hver týpa verður einnig brugguð í mjög takmörkuðu upplagi „Þetta eru alveg einstakir bjórar,“ segir hann en MIB er aðeins settur á 300 flöskur. 

Bjórnum er dreift á tiltölulega fáa staði á landinu og segir Eymar að hann muni aðeins fást á fjórum Vínbúðum„Hann fer í Kringluna, þetta fer í Heiðrúnu og ég held að þetta fari í Skútuvoginn. Svo fer hann á Akureyri líka,“ segir hann.

Svona lítur miðinn á flöskunni út. Hann er hannaður af Önnu Ragnhildi, eiganda ARK-Design.

Þá verður hægt að fá bjórinn af krana í takmörkuðu magni á Micro Bar.

Nýr listamaður fyrir hvern miða
Hluti af þessu verkefni er að fá listamann til að hanna miðann á flöskurnar. Anna Ragnhildar Karlsdóttur, eiganda ARK-Design, að hanna miðann. „Nú er hún búin með sitt verk og nú er það hennar að tilnefna næsta listamann,“ segir Eymar.

„Það er alveg sama hverskonar listamaður það verður, hvort sem það er grafískur hönnuður, málari eða teiknari eða hvernig sem er,“ segir hann. „Bara að það séu ungir og metnaðarfullir listamenn sem vilja koma sinni list út á markaðinn.“

Gerdæling í bruggferlinu.

Hugmyndin kviknaði á barnum
Eymar segir að hugmyndin hafi orðið til á Micro Bar í Reykjavík en einn úr hópnum rekur staðinn. Hugmyndin kom upp þegar félagarnir voru að velta fyrir sér hvað væri hægt að gera við óvenju stórar bjórflöskur voru pantaðar inn hjá Gæðingi fyrir mistök. 

Fjórmenningarnir þekktust allir fyrir en þrír af þeim vinna saman á barnum en allir eru þeir sérstakir bjóráhugamenn. Einn þeirra hefur lokið námi í bruggun og eimingu og annar er með færari heimabruggurum landsins, að sögn Eymars. Talsverð þekking er því til staðar í hópnum.

„Við hittumst á Micro Bar og vorum að hlæja að þessu en þá fæðist þessi hugmynd að búa til „one-off“ bjóra, í takmörkuðu magni,“ segir hann. „Þetta verður bara til fyrir mistök en verður bara góð tilraun,“ segir Eymar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
0,78
4
241.107
HAGA
0,58
1
252
REITIR
0,33
4
31.487
ARION
0,25
3
15.919
REGINN
0,12
1
242

Mesta lækkun dagsins


Félag
Br.%
Fjöldi
Velta*
BRIM
-2,77
9
131.656
SKEL
-1,15
1
11.580
SYN
-0,94
4
25.388
FESTI
-0,59
1
25
VIS
-0,39
2
196
Velkomin á Vísi. Þessi vefur notar vafrakökur. Sjá nánar.