Virðing hagnast um 60 milljónir

Verðbréfafyrirtækið Virðing hagnaðist um 60 milljónir á síðasta ári.

Í tilkynningu segir að mikill ávinningur hafi verið af sameiningu Virðingar og Auður Capital sem gekk í gegn á síðasta ári.

Heildartekjur Virðingar á árinu 2014 námu 921 milljón og eigið fé félagsins í árslok nam 697 milljónum króna.  Eiginfjárhlutfallið í árslok var rúm 24%.

Heildarfjárhæð eigna í stýringu nam 86 milljörðum króna og að meðtöldum fjárvörslueignum eru heildarfjár 200 milljarðar króna miðað við stöðuna í lok árs.

Hannes Frímann Hrólfsson, forstjóri Virðingar, er ánægður með rekstarniðurstöðu ársins. „Sameining Auðar Capital og Virðingar hefur reynst vera mikið gæfuspor,“ segir hann og bætir við að sameiningin gefi fjölmörg tækifæri til frekari vaxtar.