Spyr hvort stjórnvöld standi með hrægömmunum eða þjóðinni

„Þegar skattprósentan verður ákveðin verður spurningin á hvora sveifina stjórnvöld ætla að leggjast, með hrægömmunum eða þjóðinni,“ segir Ögmundur Jónasson, þingmaður Vinstri-grænna og fyrrverandi innanríkisráðherra í pistli á vefsvæði sínu um hugsanlegan útgönguskatt þegar gjaldeyrishöftunum verður aflétt. Ögmundur vill að útgönguskattur á vogunarsjóði, sem hann segir að séu réttnefndir hrægammasjóðir, verði að minnsta kosti 60 til 70 prósent.

Hann segir að miðað við að vogunarsjóðir hafi keypti kröfur á föllnu bankanna á allt að 4 prósent af nafnvirði en markaðsvirði þeirra nú sé 27-29 prósent geti þeir hagnast verulega þegar féð er flutt úr landi, jafnvel þó útgönguskattur verði 60 til 70 prósent.

Ögmundur er einnig harðorður í garð þeirra sem segja að mikil skattlagningu á vogunarsjóði jafngildi eignarupptöku. „Að tala um eignaupptöku hjá hrægömmum  -einsog heyrst hefur-  þegar komið er í veg fyrir að þeir gangi út með ránsfeng sinn er náttúrlega eins og hvert annað grín.“