Gjaldeyrisvaraforðinn jókst um 42 milljarða

Meiri stöðugleiki einkenndi gjaldeyrismarkaðinn á síðasta ári heldur en árin þar á undan, segir í frétt á vef Seðlabanka Íslands. Gengi krónunnar hækkaði um tæplega 2% yfir árið miðað við 11% hækkun 2013. Þá jókst velta umtalsvert og verulegt gjaldeyrisinnstreymi varð til þess að Seðlabankinn keypti meira af gjaldeyri á millibankamarkaði en áður.

Hlutdeild bankans í heildarveltu á markaðnum nam um 43% samanborið við um 12% árið áður, en heildarvelta jókst um rúmlega 60% milli ára. Gjaldeyrisforði Seðlabankans jókst um 42,5 milljarða króna á árinu og var 530 milljarðar króna í árslok 2014.

Í lok árs 2014 var gjaldeyrisforði að frádregnum skuldum Seðlabankans og ríkissjóðs í erlendri mynt jákvæður um 53 milljarða króna.