Viðskipti innlent

Fjöldi farþega í millilandaflugi jókst um 21 prósent milli ára

Stefán Árni Pálsson skrifar
Rekstur Icelandair hefur gengið vel að undanförnu.
Rekstur Icelandair hefur gengið vel að undanförnu. vísir/anton
Í janúar nam fjöldi farþega í millilandaflugi 151 þúsund og jókst um 21% miðað við janúar á síðasta ári en þetta kemur fram í tilkynningu frá Icelandair. 

Framboð í millilandafluginu var aukið um 14%. Sætanýtingin var 76,7% og jókst um 6,2 prósentustig í mánuðinum á milli ára og hefur aldrei verið hærri í janúarmánuði.



Fjöldi farþega í innanlands- og Grænlandsflugi voru um 20 þúsund í janúar og fækkaði um 4%.  Framboð í janúar var 2% minna en í janúar á síðasta ári og sætanýting var 66,9% samanborið við 68,9% í janúar 2014.

Seldir blokktímar í leiguflugi voru 33% færri en í janúar á síðasta ári. Fraktflutningar minnkuðu um 4% á milli ára. Seldar gistinætur hjá Flugleiðahótelunum jukust um 31% á milli ára. Herbergjanýting var 67,2% eða 15,8 prósentustigum hærri en í janúar 2014.



Mest lesið


Fleiri fréttir

Sjá meira


×

Mest lesið