Svissneskt hluti HSBC bankans hjálpaði ríkum viðskiptavinum sínum að sleppa undan skattgreiðslum. Þetta kemur fram í gögnum sem BBC og The Guardian og fleiri fréttamiðlar hafa undir höndum og ná til áranna 2005 til 2007.

Bankinn er sakaður um að aðstoða viðskiptavini sína við að fela verðmætar eignir fyrir skattayfirvöldum auk þess að sýna viðskiptavinum hvernig þeir gætu greitt lægri skatta. Þá er bankinn sakaður um að hafa aðstoðað þekkta glæpamenn og spillta einstaklinga.

Á föstudaginn skilaði bresk þingnefnd skýrslu þar sem sambærilegar ásakanir komu fram á hendur endurskoðunarfyrirtækinu PricewaterhouseCooper.

Sjá einnig: PwC sakað um aðstoð við meiriháttar skattaundanskot

HSBC sem er upprunalega breskur banki hefur viðurkennt að svissnenska dótturfélag þeirra hafi ekki breytt rétt. Hinsvegar hafi stór skref verið stigin í að baráttunni gegn skattaundanskotum bankans segir í yfirlýsingu frá bankanum. The Guardian bendir hinsvegar á að ekki hafi verið gripið til aðgerða fyrr en árið 2011.

Þeir bæta við að meiriháttar reglugerðabreytinga sé að vænta sem muni gera einstaklingum erfiðara fyrir að fela eignir fyrir skattayfirvöldum og bankinn styðji þær breytingar fyllilega.