Einar Kárason til liðs við DV

Rithöfundurinn Einar Kárason hefur verið ráðinn til liðs við DV en þetta kemur fram í frétt á vefsíðu DV.

Einar mun sjá um fastan dálk á einni opnu í helgarblaði DV á nýju ári og hefur frjáls efnistök.

Í Fréttinni kemur einnig fram að Kristín Tómasdóttir mun verða fastur dálkahöfundur í helgarblaði DV með skrif sín „Út fyrir kassann“.

Þá mun hjúkrunarfræðingurinn Ragnheiður Haralds- og Eiríksdóttir skrifa um kynlíf fyrir helgarblað DV, en hún hefur jafnframt verið ráðin blaðamaður á DV ásamt Val Grettissyni.