Umferðarslys á Suðurlandsbraut: Verið að hlúa að slösuðum

Lögregla, slökkvilið og sjúkraliðar hafa verið kallaðir út vegna umferðarslyss á Suðurlandsbraut í Reykjavík fyrir stuttu. Samkvæmt upplýsingum frá lögreglu eru einhverjir slasaðir á vettvangi og verið að hlúa að þeim.

Uppfært 18.20: Að sögn sjónarvotta er búið að draga úr viðbúnaði á slysstað. Um árekstur er að ræða en svo virðist sem enginn hafi slasast alvarlega.

Uppfært 19.20: Samkvæmt upplýsingum frá lögreglu var um aftanákeyrslu að ræða. Sjónarvottur segir að einn ökumaður hafi fengið aðsvif við stýrið og annar bíll þannig lent aftan á. Þrír voru fluttir á slysadeild Landspítalans.