Jón Karl nýr framkvæmdastjóri CP Reykjavík

Jón Karl Ólafsson er nýr framkvæmdastjóri CP Reykjavík. Hann er jafnframt einn af eigendum fyrirtækisins en það var stofnað í október í fyrra.

Jón er með BS í viðskiptafræði frá Háskóla Íslands og hefur áratuga reynslu úr flug- og ferðaþjónustu. Hann var forstjóri Primera Air frá 2008 til 2014. Þar áður var hann forstjóri Icelandair Group, eða frá 2005-2008 og forstjóri Icelandair árið 2005. Áður var hann framkvædmastjóri Flugfélags Íslands frá 1999 til 2004.

CP Reykjavík varð til við sameiningu þjónustu- og ráðgjafafyrirtækjanna Congress Reykjavík og Practical. Það veitir innlendum og erlendum viðskiptavinu alhliðaþjónustu í tengslum við ráðstefnur, fundi, viðburði, hvataferðir og sérferðir.