Stefán nýr fjármálastjóri WOW air

Stefán Sigurðsson hefur verið ráðinn fjármálastjóri WOW air. Stefán starfaði áður sem fjármálastjóri Advania.

Í tilkynningu frá Wow segir að Stefán hafi á árunum 2010 til 2014 starfaði Stefán sem Senior Director of Finance hjá CCP og leitt þar fjármáladeildir fyrirtækisins á heimsvísu.

„Frá 2003 -2010 starfaði Stefán sem Audit Manager hjá Eide Bailly í Phoenix, Arizona. Þar leiddi hann endurskoðunarteymi og endurskoðaði fyrirtæki í Arizona, Californiu, Colorado, New Mexico og Texas.

Stefán útskrifaðist með B.S. í Accountancy frá Arizona State University árið 2003 og varð löggiltur endurskoðandi, CPA (Certified Public Accountant) árið 2006 og Chartered Global Management Accountant (CGMA) árið 2014.

Fyrrum fjármálastjóri WOW air, Guðrún Valdimarsdóttir, mun leiða stefnumótandi verkefni tengd örum vexti félagsins. Hún mun jafnframt sinna áfram starfi fjármálastjóra Títan fjárfestingafélags og sitja í stjórnum félaga tengdum Títan og WOW air,“ segir í tilkynningunni.