Það voru mistök að hella bensíni á bál Tom Brady Tómas Þór Þórðarson skrifar 27. nóvember 2015 06:45 Tom Brady er aðalatriðið á endurlausnartúrnum 2015. vísir/getty Tom Brady, leikstjórnandi Super Bowl-meistara New England Patriots í NFL-deildinni, er reiður. Hann er af mörgum talinn sá besti sem spilað hefur leikinn, hefur unnið fjóra Super Bowl-titla, á glæsilega konu, heilbrigð börn og lífið leikur við hann. En Brady er samt reiður og hann hefur verið reiður í fimmtán ár eða síðan hann var valinn númer 199 í sjöttu umferð nýliðavalsins árið 2000. Það kveikti bál í honum sem hefur ekki slokknað og menn gera ekki annað en að hella bensíni á bálið hans Brady. Tom Brady og félagar í New England unnu tíunda leikinn í röð í NFL-deildinni aðfaranótt þriðjudags þegar þeir tóku Buffalo Bills á heimavelli, 20-13. Brady, sem er 38 ára gamall, er að spila betur en nokkru sinni fyrr og verður bara betri með aldrinum. Það sem kveikti í honum nýjasta neistann var þegar hann átti að vera búinn í fjórðu leikviku í fyrra og svo þegar hann var sakaður um svindl í úrslitaleik Ameríkudeildarinnar í byrjun árs. Síðan þá hefur hann verið á endurlausnartúrnum 2015 eins og hann er kallaður í Bandaríkjunum. Fyrsti bensíndropinn Þann 29. september í fyrra tapaði New England fyrir Kansas City á útivelli í svokölluðum Monday Night Football sem er á besta sjónvarpstíma í Bandaríkjunum. Úrslit í svoleiðis leikjum hafa alltaf mikla þýðingu því þúsundir spekinga um alla Ameríku kryfja þá leiki til mergjar alla vikuna sem eftir er. Tom Brady ætlar sér alla leið í vetur.vísir/getty New England tapaði ekki bara leiknum heldur var liðið rassskellt, 41-11. Þarna var ferli Toms Brady lokið að margra mati. „Nú þurfa menn bara að átta sig á því að Tom Brady er á niðurleið. New England vinnur ekki mikið fleiri leiki á þessu tímabili og því verður að leyfa nýliðanum Jimmy Garappolo að spila. Hann er framtíðin,“ sagði einn af virtari spekingum Bandaríkjanna um NFL-deildina. Á einu augabragði var allt búið. Brady var ekki búinn að vinna Super Bowl í áratug og tapa tvisvar í röð í sjálfum úrslitaleiknum. „Við einbeitum okkur núna að Cincinnati,“ var svar Bills Belichick, þjálfara New England, við hverri einustu spurningu á blaðamannafundinum eftir leikinn. Og Patriots einbeitti sér svo sannarlega að Cincinnati. Í næsta leik, meðan allir biðu eftir náðarhögginu, svöruðu Brady og liðið fyrir sig með 43-17 sigri. Patriots vann tíu af næstu tólf leikjum sínum á leiktíðinni og stóð uppi sem Super Bowl-meistari í fjórða sinn. Brady var valinn besti leikmaðurinn (MVP eða most valuable player) í SB í þriðja sinn, hreinsaði upp öll metin í úrslitakeppninni sem hann átti eftir og jafnaði átrúnaðargoð sitt, Joe Montana, fyrrverandi leikstjórnanda San Francisco 49ers, með sínum fjórða meistaratitli. Tom Brady jafnaði átrúnargoðið sitt Joe Montana með fjórða Super Bowl-titlinum.vísir/getty Tom „Shady“ Brady fékk ekki langan tíma til að fagna sigrinum því New England, sem áður hefur verið sakfellt fyrir að svindla, meðal annars með því að taka upp æfingar mótherjanna, var sakað af Indianapolis Colts um að hafa tekið smá loft úr boltunum sem notaðir voru í fyrri hálfleik í úrslitaleik Ameríkudeildarinnar, sem er í raun undanúrslitaleikurinn. Patriots vann leikinn, 45-7. Roger Godell, framkvæmdastjóri NFL, setti í gang rannsókn og yfirmaður hennar skilaði skýrslu sem átti að sanna að Tom Brady hefði „mögulega vitað af áætlun starfsmanna Patriots um að taka loft úr boltunum“ eins og það er orðað í skýrslunni. Godell setti Brady í fjögurra leikja bann en Patriots stóð þétt við bakið á sínum manni og Brady fylltist viðbjóði við ásökun um svindl. Það tæki fleiri blaðsíður en í boði eru hér til að útskýra Deflate Gate, eins og málið var kallað. Í grunninn er erfitt að standa ekki með NFL-deildinni því þeir sem beita bara heilbrigðri skynsemi átta sig fljótt á að Patriots var að öllum líkindum með óhreint mjöl í pokahorninu. En um það er ekki spurt þegar mál fara fyrir dóm. Brady fór með málið fyrir almenna dómstóla og þar var gjörsamlega valtað yfir rannsóknarskýrslu NFL-deildarinnar. Hún var gerð af manni sem framkvæmdastjórinn réð í ákveðnum tilgangi og sannaði í raun ekki neitt. Banni Brady, sem margir kölluðu Tom „Shady“ á þessum tíma, var aflétt. Honum leiðist alls ekkert að vinna hvern leikinn á fætur öðrum og troða þessu banni ofan í kokið á Godell. Endurlausnartúrinn 2015 heldur áfram að rúlla hjá Brady og sér ekki fyrir endann á sigurhrinu Patriots. Tom Brady er að spila betur en nokkru sinni fyrr.vísir/getty Stjörnur úr Kolaportinu Hversu góður er Tom Brady? Svarið er ótrúlega. Hann er ótrúlega góður. Aðeins einu sinni á ferli sínum hefur hann verið með alvöru útherja (wide receiver, þeir sem hlaupa og grípa boltann) til að kasta á. Annars eru þetta mestmegnis gaurar sem sóttir eru í Kolaportið. Brady hefur tekið á sig tvær stórar launalækkanir á síðustu árum til þess að gera Patriots kleift að hlaða í kringum sig alvöru vopnum. En aldrei koma þau. Í staðinn fyrir að fá alvöru sóknarmenn eða sækja þá í nýliðavalinu er öllu eytt í vörnina hjá Patriots. Það er líka alveg ágætis hugmynd því ef varnarleikurinn er góður og Brady fær boltann nógu oft er von á góðu. Ef Brady er með sína bestu sveit heila er í kringum hann hlauparinn LeGarrette Blount, sem ekki var valinn í nýliðavalinu þegar hann kom úr háskóla. Útherjarnir eru svo Julian Edelman (ekki valinn), Danny Amendola (ekki valinn) og Brandon LaFell (valinn í þriðju umferð). Miðherjinn, sá sem réttir Brady boltann og er gríðarlega mikilvægur fyrir leikstjórnandann, David Andrews, var ekki heldur valinn í nýliðavalinu. Þetta heldur svo áfram. Mennirnir sem verja hvor sína hliðina á honum og eiga að passa að enginn nái til hans voru valdir í annarri og fimmtu umferðinni. Brady er bara svo fljótur að losa boltann að það skiptir í raun engu máli hvernig sóknarlínan er. Patriots stillti upp 20. mögulegu sóknarlínunni 20. leikinn í röð. Í vörninni eru ekkert nema strákar sem voru valdir í fyrstu umferð nýliðavalsins. Háskólastjörnur sem allir vissu að eitthvað ættu að geta. Í sóknarleiknum eru bara menn sem Brady er búinn að gera að stjörnum. vísir/getty Fimmti væri fullkomnun Allt þetta bensín sem búið er að hella á bálið hjá Brady hefur bara gert hann hungraðri í fleiri sigra. Hann er ekki hættur. Hann þráir að fá Lombardi-bikarinn afhentan af Roger Godell í febrúar á næsta ári eftir fimmta Super Bowl-sigurinn. Ekkert myndi gleðja hinn annars glaðlynda en þó bálreiða Tom Brady meira en að láta manninn sem setti hann í bann fyrir svindl afhenda sér bikarinn fyrir að vera bestur. Það yrði toppurinn á endurlausnartúrnum 2015. Vinni Brady fimmta Super Bowl-leikinn fer hann einn á toppinn. Enginn hefur unnið fleiri en fjóra og þá myndi hann gera metin sín í úrslitakeppninni enn torslegnari. Þetta kveikir í Brady. Maðurinn sem var valinn númer 199 vill láta minnast sín sem leikmanns númer eitt. NFL Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti „Hún er með hjartagalla en í góðum höndum núna og vonandi fer allt vel“ Íslenski boltinn Uppgjörið: FH - Vestri 3-2 | FH kom til baka og vann fjórða leikinn í röð Íslenski boltinn HSÍ lengir bann Einars: „Framganga þjálfarans var mjög ógnandi og ódrengileg“ Handbolti DeAndre Kane sleppur við bann og spilar í kvöld Körfubolti „Þetta er ekki boðlegt finnst mér“ Körfubolti Skoraði fernu og Englandsmeistararnir halda í við Skytturnar Enski boltinn Andrea á batavegi: „Gott fyrir alla að sjá hana brosandi“ Íslenski boltinn Fleiri fréttir Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Öruggt hjá Teiti Erni og félögum Girona í fyrsta sinn í Meistaradeild Evrópu og tryggði Real í leiðinni titilinn HSÍ lengir bann Einars: „Framganga þjálfarans var mjög ógnandi og ódrengileg“ Skoraði fernu og Englandsmeistararnir halda í við Skytturnar Tryggvi Snær kom inn af bekknum í tapi gegn botnliðinu Grótta upp í Olís eftir sigur með minnsta mun í oddaleik „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel FH-ingar búnir að velja besta FH-lið sögunnar Kristín Dís og Þórdís fögnuðu sigri en það gekk illa hjá Halmstad strákunum Bráðnaði ekki í hitanum á Filippseyjum og náði í silfur Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Bach býðst til að synda sjálfur í Signu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð „Varhugavert er að ætla starfsmanni Stöðvar 2 að hafa brugðið talsvert“ Hætti óvænt: Fannst hann skulda fjölskyldunni smá tíma Arteta segir að Gabriel Jesus sé ekki á förum í sumar Kyrie kann að loka einvígum og Dallas sló loksins út Clippers Með sjö í þremur: „Kannski margir sem afskrifa mann en mér finnst ég eiga nóg eftir“ DeAndre Kane sleppur við bann og spilar í kvöld Sjá meira
Tom Brady, leikstjórnandi Super Bowl-meistara New England Patriots í NFL-deildinni, er reiður. Hann er af mörgum talinn sá besti sem spilað hefur leikinn, hefur unnið fjóra Super Bowl-titla, á glæsilega konu, heilbrigð börn og lífið leikur við hann. En Brady er samt reiður og hann hefur verið reiður í fimmtán ár eða síðan hann var valinn númer 199 í sjöttu umferð nýliðavalsins árið 2000. Það kveikti bál í honum sem hefur ekki slokknað og menn gera ekki annað en að hella bensíni á bálið hans Brady. Tom Brady og félagar í New England unnu tíunda leikinn í röð í NFL-deildinni aðfaranótt þriðjudags þegar þeir tóku Buffalo Bills á heimavelli, 20-13. Brady, sem er 38 ára gamall, er að spila betur en nokkru sinni fyrr og verður bara betri með aldrinum. Það sem kveikti í honum nýjasta neistann var þegar hann átti að vera búinn í fjórðu leikviku í fyrra og svo þegar hann var sakaður um svindl í úrslitaleik Ameríkudeildarinnar í byrjun árs. Síðan þá hefur hann verið á endurlausnartúrnum 2015 eins og hann er kallaður í Bandaríkjunum. Fyrsti bensíndropinn Þann 29. september í fyrra tapaði New England fyrir Kansas City á útivelli í svokölluðum Monday Night Football sem er á besta sjónvarpstíma í Bandaríkjunum. Úrslit í svoleiðis leikjum hafa alltaf mikla þýðingu því þúsundir spekinga um alla Ameríku kryfja þá leiki til mergjar alla vikuna sem eftir er. Tom Brady ætlar sér alla leið í vetur.vísir/getty New England tapaði ekki bara leiknum heldur var liðið rassskellt, 41-11. Þarna var ferli Toms Brady lokið að margra mati. „Nú þurfa menn bara að átta sig á því að Tom Brady er á niðurleið. New England vinnur ekki mikið fleiri leiki á þessu tímabili og því verður að leyfa nýliðanum Jimmy Garappolo að spila. Hann er framtíðin,“ sagði einn af virtari spekingum Bandaríkjanna um NFL-deildina. Á einu augabragði var allt búið. Brady var ekki búinn að vinna Super Bowl í áratug og tapa tvisvar í röð í sjálfum úrslitaleiknum. „Við einbeitum okkur núna að Cincinnati,“ var svar Bills Belichick, þjálfara New England, við hverri einustu spurningu á blaðamannafundinum eftir leikinn. Og Patriots einbeitti sér svo sannarlega að Cincinnati. Í næsta leik, meðan allir biðu eftir náðarhögginu, svöruðu Brady og liðið fyrir sig með 43-17 sigri. Patriots vann tíu af næstu tólf leikjum sínum á leiktíðinni og stóð uppi sem Super Bowl-meistari í fjórða sinn. Brady var valinn besti leikmaðurinn (MVP eða most valuable player) í SB í þriðja sinn, hreinsaði upp öll metin í úrslitakeppninni sem hann átti eftir og jafnaði átrúnaðargoð sitt, Joe Montana, fyrrverandi leikstjórnanda San Francisco 49ers, með sínum fjórða meistaratitli. Tom Brady jafnaði átrúnargoðið sitt Joe Montana með fjórða Super Bowl-titlinum.vísir/getty Tom „Shady“ Brady fékk ekki langan tíma til að fagna sigrinum því New England, sem áður hefur verið sakfellt fyrir að svindla, meðal annars með því að taka upp æfingar mótherjanna, var sakað af Indianapolis Colts um að hafa tekið smá loft úr boltunum sem notaðir voru í fyrri hálfleik í úrslitaleik Ameríkudeildarinnar, sem er í raun undanúrslitaleikurinn. Patriots vann leikinn, 45-7. Roger Godell, framkvæmdastjóri NFL, setti í gang rannsókn og yfirmaður hennar skilaði skýrslu sem átti að sanna að Tom Brady hefði „mögulega vitað af áætlun starfsmanna Patriots um að taka loft úr boltunum“ eins og það er orðað í skýrslunni. Godell setti Brady í fjögurra leikja bann en Patriots stóð þétt við bakið á sínum manni og Brady fylltist viðbjóði við ásökun um svindl. Það tæki fleiri blaðsíður en í boði eru hér til að útskýra Deflate Gate, eins og málið var kallað. Í grunninn er erfitt að standa ekki með NFL-deildinni því þeir sem beita bara heilbrigðri skynsemi átta sig fljótt á að Patriots var að öllum líkindum með óhreint mjöl í pokahorninu. En um það er ekki spurt þegar mál fara fyrir dóm. Brady fór með málið fyrir almenna dómstóla og þar var gjörsamlega valtað yfir rannsóknarskýrslu NFL-deildarinnar. Hún var gerð af manni sem framkvæmdastjórinn réð í ákveðnum tilgangi og sannaði í raun ekki neitt. Banni Brady, sem margir kölluðu Tom „Shady“ á þessum tíma, var aflétt. Honum leiðist alls ekkert að vinna hvern leikinn á fætur öðrum og troða þessu banni ofan í kokið á Godell. Endurlausnartúrinn 2015 heldur áfram að rúlla hjá Brady og sér ekki fyrir endann á sigurhrinu Patriots. Tom Brady er að spila betur en nokkru sinni fyrr.vísir/getty Stjörnur úr Kolaportinu Hversu góður er Tom Brady? Svarið er ótrúlega. Hann er ótrúlega góður. Aðeins einu sinni á ferli sínum hefur hann verið með alvöru útherja (wide receiver, þeir sem hlaupa og grípa boltann) til að kasta á. Annars eru þetta mestmegnis gaurar sem sóttir eru í Kolaportið. Brady hefur tekið á sig tvær stórar launalækkanir á síðustu árum til þess að gera Patriots kleift að hlaða í kringum sig alvöru vopnum. En aldrei koma þau. Í staðinn fyrir að fá alvöru sóknarmenn eða sækja þá í nýliðavalinu er öllu eytt í vörnina hjá Patriots. Það er líka alveg ágætis hugmynd því ef varnarleikurinn er góður og Brady fær boltann nógu oft er von á góðu. Ef Brady er með sína bestu sveit heila er í kringum hann hlauparinn LeGarrette Blount, sem ekki var valinn í nýliðavalinu þegar hann kom úr háskóla. Útherjarnir eru svo Julian Edelman (ekki valinn), Danny Amendola (ekki valinn) og Brandon LaFell (valinn í þriðju umferð). Miðherjinn, sá sem réttir Brady boltann og er gríðarlega mikilvægur fyrir leikstjórnandann, David Andrews, var ekki heldur valinn í nýliðavalinu. Þetta heldur svo áfram. Mennirnir sem verja hvor sína hliðina á honum og eiga að passa að enginn nái til hans voru valdir í annarri og fimmtu umferðinni. Brady er bara svo fljótur að losa boltann að það skiptir í raun engu máli hvernig sóknarlínan er. Patriots stillti upp 20. mögulegu sóknarlínunni 20. leikinn í röð. Í vörninni eru ekkert nema strákar sem voru valdir í fyrstu umferð nýliðavalsins. Háskólastjörnur sem allir vissu að eitthvað ættu að geta. Í sóknarleiknum eru bara menn sem Brady er búinn að gera að stjörnum. vísir/getty Fimmti væri fullkomnun Allt þetta bensín sem búið er að hella á bálið hjá Brady hefur bara gert hann hungraðri í fleiri sigra. Hann er ekki hættur. Hann þráir að fá Lombardi-bikarinn afhentan af Roger Godell í febrúar á næsta ári eftir fimmta Super Bowl-sigurinn. Ekkert myndi gleðja hinn annars glaðlynda en þó bálreiða Tom Brady meira en að láta manninn sem setti hann í bann fyrir svindl afhenda sér bikarinn fyrir að vera bestur. Það yrði toppurinn á endurlausnartúrnum 2015. Vinni Brady fimmta Super Bowl-leikinn fer hann einn á toppinn. Enginn hefur unnið fleiri en fjóra og þá myndi hann gera metin sín í úrslitakeppninni enn torslegnari. Þetta kveikir í Brady. Maðurinn sem var valinn númer 199 vill láta minnast sín sem leikmanns númer eitt.
NFL Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti „Hún er með hjartagalla en í góðum höndum núna og vonandi fer allt vel“ Íslenski boltinn Uppgjörið: FH - Vestri 3-2 | FH kom til baka og vann fjórða leikinn í röð Íslenski boltinn HSÍ lengir bann Einars: „Framganga þjálfarans var mjög ógnandi og ódrengileg“ Handbolti DeAndre Kane sleppur við bann og spilar í kvöld Körfubolti „Þetta er ekki boðlegt finnst mér“ Körfubolti Skoraði fernu og Englandsmeistararnir halda í við Skytturnar Enski boltinn Andrea á batavegi: „Gott fyrir alla að sjá hana brosandi“ Íslenski boltinn Fleiri fréttir Darius Morris látinn aðeins þrjátíu og þriggja ára að aldri Uppgjör: Keflavík - Grindavík 84-83 | Ótrúlegur endir og allt jafnt í einvíginu Öruggt hjá Teiti Erni og félögum Girona í fyrsta sinn í Meistaradeild Evrópu og tryggði Real í leiðinni titilinn HSÍ lengir bann Einars: „Framganga þjálfarans var mjög ógnandi og ódrengileg“ Skoraði fernu og Englandsmeistararnir halda í við Skytturnar Tryggvi Snær kom inn af bekknum í tapi gegn botnliðinu Grótta upp í Olís eftir sigur með minnsta mun í oddaleik „Lítur ekki vel út með Elmar, ég er hræddur um að þetta sé svipað og hjá Eiði“ Real Madrid náði fjórtán stiga forskoti á toppnum Kane skoraði en Bayern tapaði Newcastle fór illa með Jóa Berg og félaga á Turf Moor Uppgjörið: FH - Vestri 3-2 | FH kom til baka og vann fjórða leikinn í röð Eyjamenn byrja fótboltasumarið ekki vel FH-ingar búnir að velja besta FH-lið sögunnar Kristín Dís og Þórdís fögnuðu sigri en það gekk illa hjá Halmstad strákunum Bráðnaði ekki í hitanum á Filippseyjum og náði í silfur Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Þórir bæði með mark og stoðsendingu Bach býðst til að synda sjálfur í Signu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð „Varhugavert er að ætla starfsmanni Stöðvar 2 að hafa brugðið talsvert“ Hætti óvænt: Fannst hann skulda fjölskyldunni smá tíma Arteta segir að Gabriel Jesus sé ekki á förum í sumar Kyrie kann að loka einvígum og Dallas sló loksins út Clippers Með sjö í þremur: „Kannski margir sem afskrifa mann en mér finnst ég eiga nóg eftir“ DeAndre Kane sleppur við bann og spilar í kvöld Sjá meira