24 milljarðar fara til hluthafa

Útlit er fyrir að skráð íslensk félög í Kauphöll Íslands greiði samtals um 24 milljarða til hluthafa nú á vormánuðum. Greiningardeild Arion banka segir þessar arðgreiðslur eða kaup eigin bréfa samsvara um 4,4 prósentum af markaðsvirði félaganna.

Heildarfjárhæð byggir á tillögum sem stjórnir félaganna hyggjast leggja fyrir aðalfundi nú í vor og svo spá Greiningardeildar um arðgreiðslu Haga á þessu ári. Uppgjörstímabil Haga er frábrugðið því sem gerist meðal annarra félaga á markaðinum.