Besti kylfingur heims, Rory McIlroy, komst ekki í gegnum niðurskurðinn á Honda Classic.
Norður-Írinn tók því ekki illa heldur mun hann láta mótlætið efla sig í framhaldinu.
„Stundum þarf maður gott spark í rassinn svo maður átti sig á því sem þarf að gera. Eðlilega er ég svekktur en nú sé ég betur hvað ég þarf að leggja á mig," sagði Rory.
„Það eru tveir möguleikar í stöðunni. Ég get lagst niður og vælt eða rifið mig upp. Ég tók frí á föstudeginum þar sem mamma átti afmæli og svo var ég farinn að æfa af krafti degi síðar."
Rory hefur leik á móti í Miami í dag.
Gott að fá spark í rassinn
