Nýr framkvæmdastjóri hjá Seðlabankanum

Erla Guðmundsdóttir hefur verið ráðin framkvæmdastjóri á sviði fjárhags Seðlabanka Íslands.

Erla er viðskiptafræðingur, Cand. Oceon, frá Háskóla Íslands. Hún hefur verið starfandi framkvæmdastjóri fjárhagssviðs frá því í ársbyrjun en starfaði áður í MP-banka og Íslandsbanka.

Fjárhagssvið Seðlabankans hefur umsjón með fjárhagsupplýsingum bankans og félaga í hans eigu. Sviðið sér meðal annars um umsýslu erlendra og innlendra lána ríkissjóðs og Seðlabankans. Þá annast sviðið erlenda greiðslumiðlun með SWIFT-kerfi bankans og hefur umsjón með innlendum og erlendum greiðslum fyrir bankann, ríkissjóð og ríkisfyrirtæki. Einnig sér sviðið um vörslu verðbréfa og uppgjör verðbréfaviðskipta.