Átak um bætt aðgengi fatlaðra

Með það að markmiði að bæta aðgengi fatlaðs fólks að ferðamannastöðum styrkja stjórnvöld gerð handbókar í samstarfi þriggja landa í Norður-Atlantshafi – Færeyja Grænlands auk Íslands.

Styrkurinn nemur samtals fjórum milljónum króna.

Aðalstyrktaraðili verkefnisins er NORA, samstarfsvettvangur landa í Norður-Atlantshafi en einnig Norm ráðgjöf ehf. og Aðgengi ehf. á Íslandi, í Færeyjum Visit Torshavn í samstarfi við Öryrkjabandalag Færeyja, stjórnvöld á Grænlandi og Delta setrið í Ósló.

Verkefnið styður við innleiðingu Samnings Sameinuðu þjóðanna um réttindi fatlaðs fólks en réttur fatlaðs fólks til aðgengis til jafns við ófatlað fólk er eitt af megin áhersluatriðum samningsins.