PSY reynir að fanga gömlu stemninguna aftur

Suður-kóreski tónlistarmaðurinn PSY, birti nýverið tvö ný myndbönd á Youtubesíðu sinni. Um er að ræða lögin Daddy og Napal Baji og fylgja þau Gangnam Style formúlunni nokkuð vel eftir. Það er eftirminnilega textabúta, óhefðbundin dansspor og hreint út sagt furðuleg myndbönd.

Þá hefur það vakið nokkra furðu að í báðum nýju myndböndunum, sem og í Gangnam Style koma klósett við sögu.

Nú hafa notendur Youtube horft á hið þriggja ára gamla lag PSY, Gangnam Style, nærri því 2,5 milljarða sinnum og er það vinsælasta myndband veitunnar frá upphafi.

Bæði lög Psy má horfa á hér að neðan. Lagið Daddy virðist þó vera mun vinsælla heldur en Napal Baji. Þegar þetta er skrifað hefur verið horft rúmlega 13 milljón sinnum á Daddy og áhorfstala Napal Baji er í rúmlega 3,8 milljónum.