Það er ennþá líf í Kleifarvatni

Veiðin í Kleifarvatni var afar slök í fyrra, í það minnsta voru ansi fáar fréttirnar sem bárust frá bökkum vatnsins í fyrra.

Það skildi þó ekki vera að vatnið væri að taka við sér?  Veiðimenn sem voru við vatnið fyrir 3 dögum síðan náðu fjórum fiskum á land og allt stórfiskar.  Stærðinar voru 4,5,7 og 8 punda!  Allt veiddist þetta á maðk og við sandfjöruna í norðurenda vatnsins.  Nokkuð líf var á svæðinu en veiðiaðferðin minnir helst á það sem tíðkast í Veiðivötnum þar sem beitu er kastað út í vatnið og látið liggja í smá stund, síðan fært til og þannig þangað til svæðið telst skannað.  Það hefur verioð af því látið að vatnið hafi eyðilagst þegar vatnsstaðan hrundi fyrir fáum árum en þrátt fyrir allt tal um ónýtt vatn virðist þó ennþá vera líf í því.