Kaymer áfram sjóðheitur á US Open

Þjóðverjinn Martin Kaymer er óstöðvandi í byrjun opna bandaríska meistaramótsins í golfi en hann er sex höggum á undan næsta manni eins og staðan er núna.

Kaymer var efstur eftir fyrsta hring í gær sem hann lék á 65 höggum eða fimm höggum undir pari.

Hann fór svo á meðal fyrstu manna út í dag og er þremur höggum undir pari eftir fyrri níu holurnar.

Þjóðverjinn er samtals á átta höggum undir pari en á eftir honum eru sex kylfingar sem eru á tveimur höggum undir pari.

Tveir þeirra, Kevin Na frá Bandaríkjunum og GraemeMcDowell frá Norður-Írlandi, eru ekki farnir af stað í dag.

Allir keppnisdagarnir eru sýndir í beinni á Golfstöðinni en útsending hefst klukkan 17.00 í dag.