Eimskip í samstarf við stærsta skipafélag Kína

Fulltrúar Eimskips og COSCO, stærsta skipfélags Kína og fimmta stærsta skipafélags í heimi, undirrituðu samning í síðustu viku. Samningurinn snýr að samstarfi félagana með sérstakri áherslu á flutninga á Norður-Atlantshafi og á alþjóðlega frystiflutningsmiðlun.

Einnig var gert samkomulag um framtíðarsamstarf á milli félaganna tengt mögulegum siglingum yfir Norðurheimskautið. Þetta kemur fram í tilkynningu frá Emskipafélagi Íslands.

Samningurinn var undirritaður þegar fjölmargir fulltrúar erlendra fyrirtækja heimsóttu Eimskip í síðustu viku í tilefni af afmæli félagsins.