Harmageddon

Anna Tara ekki lengur á lausu

Anna Tara skrifar
Vá hvað hún er falleg.
Vá hvað hún er falleg.
Anna Tara einn af þáttastjórnendum Kynlegra kvista, meðlimur Hljómsveitt og Reykjavíkurdætra er því miður ekki lengur á lausu.

Já þetta mun hryggja marga en þið misstuð af tækifærinu. Engir fleiri skemmtistaðasleikir fyrir hana. Þó hún hafi óskað þess hið mesta að laðast einn daginn að stelpu er hún þó byrjuð með manni með typpi. Hann vill ekki vera nafngreindur en er eldhress, spólgraður sjómaður með hausinn á réttum stað... hjá henni.

Hann heillaði hana strax upp úr skónum með ýmsum brögðum. Hann sendi henni til dæmis lista yfir alla þá karlmenn sem hann hafði sofið hjá vitandi að það myndi ganga í augun á henni. Hann uppfyllir allar hennar kröfur um útlit og hún segist ekkert þurfa að skammast sín mikið fyrir hann. Hann ber sig vel og er með fatasmekk sem stenst kröfur hennar um ,,kúlið” sem Anna Tara verður að passa upp á. Hún segir að þau „lúkki” vel saman.

Spurð að því hvernig þau kynntust segir Anna Tara hann hafa sent sér vinabeiðni á facebook í kjölfar viðtalsins í Harmageddon varðandi lagið hennar Kynþokkafull með Hljómsveitt. Hún leit þó lengi ekki við honum enda úr nægu að velja eftir nýfundna frægð sína en þegar mesta athyglin hafði gengið yfir þáði hún vinabeiðni hans. Þau eru búin að hittast í tvær vikur og þrjá daga og eru ekkert annað en hamingjan uppmáluð. Þau hafa miklar væntingar um framtíð sína saman og hvernig hann geti stutt við bakið á henni. Hann mætir að sjálfsögðu með henni á tónleikana á Bar 11 í kvöld þar sem Hljómsveitt mun trylla lýðinn.

Harmageddon


Mest lesið




×

Mest lesið


Tarot dagsins

Dragðu spil og sjáðu hvaða spádóm það geymir.