Myndband af hópnauðguninni í dreifingu á netinu

Myndbandsupptaka sem sýnir hópnauðgun í Breiðholti er komin í dreifingu á netið, samkvæmt frétt Mbl.is. Samkvæmt heimildum Vísis er myndbandið talið hafa verið tekið upp af einum sakborninga í málinu.

Piltarnir fimm, sem grunaðir eru um að hafa nauðgað stúlkunni, voru leiddir fyrir dómara í gær en lögregla krafðist viku gæsluvarðhalds yfir piltunum. Þeir eru á aldrinum 17-19 ára en fórnarlambið er sextán ára menntaskólastúlka.

Í gær tók dómari sér frest til að taka afstöðu til kröfu lögreglu um gæsluvarðhald þar til kl. 10.50 í dag. Samkvæmt heimildum Vísis voru piltarnir í haldi lögreglu í nótt.