Bardagaveisla í boði Zeldu Tinni Sveinsson skrifar 7. desember 2014 12:00 Zelda, Link og félagar berjast af miklum móð í Hyrule Warriors. Hyrule Warriors. Bardagaleikur. Wii U. Hyrule Warriors er bardagaleikur sem byggir á Zeldu-leikjunum en flokkast þó ekki sem „alvöru“ Zeldu-leikur heldur hliðarafurð. Hann er samstarfsverkefni Nintendo og fyrirtækisins Koei Tecmo, byggir á grunni Dynasty Warriors-leikjanna og flokkast einnig til þeirrar leikjaraðar. Í Hyrule Warriors berjast spilarar við ógrynni óvina með það að markmiði að stöðva ill öfl í því að ná yfirráðum í Hyrule (en ekki hvað?). Leikurinn er skemmtilegur og heldur manni við efnið með áhugaverðum söguþræði. Allar helstu hetjurnar eru til staðar og eru þar Link og Zelda vitanlega í fararbroddi. Sérstaklega er ánægjulegt að finna kunnuglegar fjársjóðskistur og vopn. Einnig þegar leikurinn leiðir mann í borð sem byggja á gömlum Zelda-leikjum, nánar tiltekið Twilight Princess, Skyward Sword og Ocarina of Time. Þar skjóta gamalkunnar persónur upp kollinum og spila inn í atburðarásina. Eftir því sem líður á leikinn safnar maður sér smám saman fleiri persónum til að spila og er þar sniðugt að geta einnig valið óvini sem hafa fallið í valinn og nýtt sér eiginleika þeirra og vopnabúr. Alls eru persónurnar sem hægt er að velja úr þrettán og er hægt að dunda sér við að auka styrk þeirra og hæfileika. Bardagarnir í Hyrule Warriors eru nokkuð einhæfir með miklum sverðasveiflum. Einhvern veginn virkar þetta allt samt ágætlega. Ekki síst þar sem leikurinn er mjög góður í tveggja manna spili þar sem reynir oft á útsjónarsemi, herkænsku og góða samvinnu. Þá er árásarfimi persónanna sem hægt er að velja úr oft mjög tilkomumikil. Maður nýtur þess að sigra óvini með loftköstunum sem hægt er að framkalla með fjarstýringunni. Kjörinn leikur fyrir aðdáendur Zeldu sem bíða spenntir eftir risaleiknum sem von er á fyrir Wii U á næsta ári.Hér fyrir neðan má sjá hálftíma langt myndband þar sem spilarinn Zack Scott leiðir okkur í gegnum leikinn. Leikjadómar Leikjavísir Mest lesið Clooney mælti með handtöku Netanyahu Lífið Stjörnulífið: Löng helgi, hátíðarsýning og tónleikar Lífið Forsetaáskorunin: Höfuðborgin ætti að vera í góða veðrinu fyrir norðan eða austan Lífið Með átján husky hunda á heimilinu og mæla með Lífið Glæsihús Gerðar í Blush aftur á sölu Lífið Keppendur Ungfrú Ísland 2024 Lífið Forðast drama eins og heitan eldinn Lífið Endurkast sólarljóss jafn skaðlegt og beint sólarljós Lífið samstarf Myndaveisla: Ekkert gefið eftir í forsetafögnuði ísdrottningarinnar Lífið Af vængjum fram: „Ég ætla ekkert að fara að gráta hérna“ Lífið Fleiri fréttir Lokaþáttur Babe Patrol Veiða dýr og menn hjá GameTíví GameTíví: Plorrinn spilar Fallout Keppniskvöld hjá GameTíví GameTíví: Plorrinn spilar Fallout Allir spila með Babe Patrol Samvinna og hryllingur í GameTíví Spilaðu Warzone með GameTíví Sjá meira
Hyrule Warriors. Bardagaleikur. Wii U. Hyrule Warriors er bardagaleikur sem byggir á Zeldu-leikjunum en flokkast þó ekki sem „alvöru“ Zeldu-leikur heldur hliðarafurð. Hann er samstarfsverkefni Nintendo og fyrirtækisins Koei Tecmo, byggir á grunni Dynasty Warriors-leikjanna og flokkast einnig til þeirrar leikjaraðar. Í Hyrule Warriors berjast spilarar við ógrynni óvina með það að markmiði að stöðva ill öfl í því að ná yfirráðum í Hyrule (en ekki hvað?). Leikurinn er skemmtilegur og heldur manni við efnið með áhugaverðum söguþræði. Allar helstu hetjurnar eru til staðar og eru þar Link og Zelda vitanlega í fararbroddi. Sérstaklega er ánægjulegt að finna kunnuglegar fjársjóðskistur og vopn. Einnig þegar leikurinn leiðir mann í borð sem byggja á gömlum Zelda-leikjum, nánar tiltekið Twilight Princess, Skyward Sword og Ocarina of Time. Þar skjóta gamalkunnar persónur upp kollinum og spila inn í atburðarásina. Eftir því sem líður á leikinn safnar maður sér smám saman fleiri persónum til að spila og er þar sniðugt að geta einnig valið óvini sem hafa fallið í valinn og nýtt sér eiginleika þeirra og vopnabúr. Alls eru persónurnar sem hægt er að velja úr þrettán og er hægt að dunda sér við að auka styrk þeirra og hæfileika. Bardagarnir í Hyrule Warriors eru nokkuð einhæfir með miklum sverðasveiflum. Einhvern veginn virkar þetta allt samt ágætlega. Ekki síst þar sem leikurinn er mjög góður í tveggja manna spili þar sem reynir oft á útsjónarsemi, herkænsku og góða samvinnu. Þá er árásarfimi persónanna sem hægt er að velja úr oft mjög tilkomumikil. Maður nýtur þess að sigra óvini með loftköstunum sem hægt er að framkalla með fjarstýringunni. Kjörinn leikur fyrir aðdáendur Zeldu sem bíða spenntir eftir risaleiknum sem von er á fyrir Wii U á næsta ári.Hér fyrir neðan má sjá hálftíma langt myndband þar sem spilarinn Zack Scott leiðir okkur í gegnum leikinn.
Leikjadómar Leikjavísir Mest lesið Clooney mælti með handtöku Netanyahu Lífið Stjörnulífið: Löng helgi, hátíðarsýning og tónleikar Lífið Forsetaáskorunin: Höfuðborgin ætti að vera í góða veðrinu fyrir norðan eða austan Lífið Með átján husky hunda á heimilinu og mæla með Lífið Glæsihús Gerðar í Blush aftur á sölu Lífið Keppendur Ungfrú Ísland 2024 Lífið Forðast drama eins og heitan eldinn Lífið Endurkast sólarljóss jafn skaðlegt og beint sólarljós Lífið samstarf Myndaveisla: Ekkert gefið eftir í forsetafögnuði ísdrottningarinnar Lífið Af vængjum fram: „Ég ætla ekkert að fara að gráta hérna“ Lífið Fleiri fréttir Lokaþáttur Babe Patrol Veiða dýr og menn hjá GameTíví GameTíví: Plorrinn spilar Fallout Keppniskvöld hjá GameTíví GameTíví: Plorrinn spilar Fallout Allir spila með Babe Patrol Samvinna og hryllingur í GameTíví Spilaðu Warzone með GameTíví Sjá meira