Reyndu að setja Íslandsmet í hópknúsi

„Þarna var ástin í aðalhlutverki,“ segir Sara Kristinsdóttir, verkefnastjóri Gleðiverkefnisins.

Geggjaði dagurinn var haldinn í höfuðborginni á laugardaginn á vegum verkefnisins og var meðal annars reynt að slá Íslandsmet í hópknúsi.

Fyrr um daginn var kertafleyting við Tjörnina í Reykjavík, til minningar um þá sem fallið hafa fyrir eigin hendi en Gleðiverkefnið hefur það að markmiði að vekja athygli á þeim 12–15 þúsundum manns sem glíma við þunglyndi á Íslandi.

Til stendur að verkefnið verði árlegt.