Á miðnætti í kvöld verður Íslendingum gert kleift að verða sér út um Auroracoin, sem er nýr rafrænn gjaldmiðill. Á heimasíðu myntarinnar segir að atburðurinn geti skapað aðstæður fyrir Íslendinga til að hefja almenna notkun gjaldmiðilsins.
„Þetta getur þróast á marga vegu, en ég tel líklegt að notkun á Auroracoin muni aukast jafnt og þétt þegar líður á þetta ár sem ég ætla verkefninu,“ segir einstaklingur á bak við gjaldmiðillinn sem gengur undir dulnefninu Baldur Friggjar Óðinsson.
Baldur mun ekki gefa upp með hvaða hætti Íslendingar geta nálgast sinn skammt fyrr en á miðnætti. Hver og einn getur sótt 31,8 AUR, sem samsvarar tæpum 40 þúsund krónum, miðað við markaðsvirði Auroracoin í gærkvöldi.
„Ég tek það fram að þetta verð byggist á mati spákaupmanna á þessari stundu og það getur reynst mjög rangt á hvorn veginn sem er.“
Nýjum rafrænum gjaldmiðli dreift til Íslendinga
