Langt í land hjá kennurum

Aðalheiður Steingrímsdóttir, formaður samninganefndar framhaldsskólakennara, segir töluvert langt í land þar til kjarasamningar náist. Verkfall hefur nú staðið yfir í viku.

„Þetta hefur gengið mun hægar fyrir sig en við vorum að undirbúa okkur fyrir. Við bjuggumst við að það yrði meiri vinna í málum yfir helgina en það er greinilegt að samninganefnd ríkisins telur sig þurfa meiri tíma sín megin til að fara yfir mál,“ segir Aðalheiður.

Fundað var fram á sjöunda tímann í gær og ætla aðilar að hittast aftur klukkan tíu í dag.