Samið um jarðstreng fyrir kísilver United Silicon

Landsnet hefur samið við þýska fyrirtækið Nexans um kaup á níu kílómetra löngum jarðstreng sem á að tengja fyrirhugað kísilver United Silicon í Helguvík við raforkuflutningskerfið.

Strengurinn verður lagður úr Fitjum við Njarðvík út í Helguvík en samkomulag Landsnets og Nexans hljóðar upp á tæplega 1,3 milljónir evra, jafnvirði um 200 milljóna króna.

„Nú er unnið af kappi að undirbúa nýtt tengivirki í Helguvík sem rís við hlið kísilversins,“ segir Guðmundur en hann mun undirrita samninginn í dag.

Strengurinn verður framleiddur í verksmiðju Nexans í Hannover og stefnt er að því að leggja hann sumarið 2015. „Unnið verður að hönnun og undirbúningi lagningar strengsins í nánu samráði við Nexans og mun fyrirtækið sjá um tengingar á honum."