Viðskipti innlent

Taldi mikilvægt að halda frið við erlenda kröfuhafa

Þorbjörn Þórðarson skrifar
Fyrirtækið Hawkpoint sem var ráðgjafi síðustu ríkisstjórnar lagðist í fyrstu gegn því að þrotabú Kaupþings og Glitnis fengju eignarhluti í Arion banka og Íslandsbanka. Ráðuneytisstjóri taldi mikilvægt fyrir ríkið að halda frið við erlenda kröfuhafa bankanna.

Þrotabú mega ekki eiga virka eignarhluti í fjármálafyrirtækjum. Því var farin sú leið við fjármögnun bankanna sumarið 2009 að þrotabú Kaupþings og Glitnis stofnuðu sérstök eignarhaldsfélög. Kaupskil ehf. í tilviki Kaupþings og ISB Holding í tilviki Glitnis sem halda á eignarhlutum þrotabúanna í Arion banka og Íslandsbanka. 



Í fundargerðum stýrinefndar ríkisstjórnarinnar sem Víglundur Þorsteinsson lögfræðingur og fyrrverandi eigandi BM Vallár aflaði hjá stjórnvöldum gegnum úrskurðarnefnd um upplýsingamál kemur fram einstök innsýn inn í ákvarðanatöku varðandi uppgjör milli gömlu og nýju bankanna vorið og sumarið 2009. 



Í fundargerð frá 20. mars, tveimur mánuðum eftir myndun nýrrar ríkisstjórnar eftir búsáhaldabyltinguna, kemur fram að Hawkpoint, ráðgjafi ríkisstjórnarinnar í málinu, telji það ekki í þágu hagsmuna ríkisstjórnarinnar að bjóða eignarhluti í nýju bönkunum til utanaðkomandi fjárfesta.  



Í sömu fundargerð er haft eftir Guðmundi Árnasyni ráðuneytisstjóra í fjármálaráðuneytinu að ríkisstjórnin vilji „friða erlendu kröfuhafana upp að því marki sem mögulegt er.“ 



Eignarhald tveggja þrotabúa og þar með erlendra kröfuhafa á tveimur stærstu bönkum landsins hefur verið umdeilt alla tíð. Hvers vegna var farin sú leið að láta þessi þrotabú fá eignarhluti í Arion banka og Íslandsbanka? Hver voru rökin?

Í fréttum Stöðvar 2 var rætt við Gylfa Magnússon en hann var viðskiptaráðherra á þessum tíma. (Sjá myndskeið með frétt). 



Mest lesið


Fleiri fréttir

Sjá meira


×

Mest lesið