Breytingar á tímatökum

Formúlu 1-liðin hafa kosið um breytingar á tímatökum. Niðurstaðan er sú að fyrsta umferð mun styttast úr 20 mínútum í 18. Önnur umferð mun haldast 15 mínútur. Þriðja umferðin mun vara í 12 mínútur í stað 10 áður.

Þeir 16 ökumenn sem komast í aðra umferð munu fá auka dekkjagang af mýkri gerðinni. Þann dekkjagang mega þeir einungis nota í þriðju umferðinni, eða keppninni sjálfri komist þeir ekki í þriðju umferð.

Þriðja umferðin samanstendur af tíu hröðustu ökumönnum úr annarri umferð. Ökumenn þriðju umferðar verða að nota dekkinn þar og skila þeim svo til Pirelli.

Ökumenn úr þriðju umferð hefja keppnina á þeim dekkjum sem þeir nota til að setja sinn hraðasta tíma í annarri umferð. Það heldur möguleikanum opnum að hefja keppnina á harðari dekkjagerðinni. Mýkri dekkinn hafa meira grip en endast ekki eins lengi.

Markmið þessara breytinga er annars vegar að auka akstur í þriðju umferð. Hins vegar er ætlunin að auðvelda ökuþórum sem detta út í annarri umferð að keppa um stig. Stig fást í keppninni fyrir tíu efstu sætin.

Einungis er um formsatriði að ræða til að samþykkt liðanna taki gildi. Líklega mun þessi breyting taka gildi fyrir fyrstu tímatökuna í Ástralíu 15. mars.