Oosthuizen varði titilinn í Suður-Afríku

Louis Oosthuizen frá Suður-Afríku sigraði á Volvo Champions mótinu sem lauk í dag á Evrópumótaröðinni í golfi. Hann lék hringina fjóra í mótinu á samtals á 12 höggum undir pari og varð einu höggi betri en landi sinn Branden Grace. Mótið fór fram í Durban, Suður-Afríku.

Oosthuizen sigraði einnig í þessu móti á síðasta ári og tókst að verja titil sinn í dag. Hann fékk laglegan fugl á 18. holu og tryggði sér þar með sigurinn í mótinu. Oosthuizen, sem er 31 árs gamall, fékk um 80 milljónir króna í verðlaunafé og er þetta hans sjöundi sigur á Evrópumótaröðinni.

„Ég spilaði ekki vel í fyrra og var mikið meiddur. Vonandi verður þetta upphafið að góðu ári,“ sagði Oosthuizen að móti loknu.

Mótið var í beinni útsendingu á Golfstöðinni en bein útsending verður frá sterkustu mótum ársins á Evrópumótaröðinni í ár. Bein útsending verður frá Sony Open mótinu á PGA-mótaröðinni frá miðnætti í kvöld í opinni dagskrá.

Lokastaðan á Volvo Champions