Seðlabankinn segir Hreiðar Má fara með rangt mál

Seðlabanki Íslands hefur sent frá sér yfirlýsingu vegna greinar sem Hreiðar Már Sigurðsson, fyrrverandi forstjóri Kaupþings, skrifaði í Fréttablaðið í dag.

Í yfirlýsingunni segir að það sé ekki rétt að Kaupþing hafi fengið 85 milljarða lán án þess að gengið hafi verið frá veði fyrir því. Veðgerningur vegna lánsins hafi verið fullkláraður í lok viðskiptadags þann 6. október 2008 og hafi stjórnendur Kaupþings undirritað gerninginn sama dag.

Það sé því ekki rétt, eins og Hreiðar Már heldur fram í grein sinni í dag, að gengið hafi frá veðsetningu einhverjum dögum eftir að lánið var veitt.

Yfirlýsingu bankans má sjá í heild sinni hér.