Veiðikortið fyrir sumarið 2015 komið út

Þrátt fyrir að stangveiðin hefjist ekki fyrr en 1. apríl 2015 eru fyrstu vorboðar veiðinnar næsta sumar þegar farnir að bæra á sér.

Einn af þeim er útgáfudagur Veiðikortsins en nú er nýja kortið komið út og einhverjar breytingar hafa orðið á þeim vötnum sem verða í kortinu en breytingarnar eru þó mjög litlar.  Hópið dettur út úr Veiðikortinu næsta sumar sem er leitt því vatnið er stórskemmtilegt og þá sérstaklega snemmsumars.  Aftur á móti koma vötnin í Svínadal inn og það er fagnaðarefni fyrir veiðimenn sem búa stutt frá vötnunum og vilja gjarnan geta skotist í þau t.d. eftir vinnu.  Í vötnunum er bleikja, urriði og lax.  Veiðikortið er að detta inn á sölustaði og er verðið það sama og í fyrra eða 6.900 kr.