Leit að týndu flugvélinni heldur áfram

Leit að týndri flugvél frá AirAsia Indónesía, flugnúmer QZ8501, heldur áfram í dag en hún hvarf í gær með 162 innanborðs.

Sá sem stjórnar leitinni af hálfu indónesískra yfirvalda segir að þær upplýsingar sem fyrir liggja bendi til þess að flugvélin sé á hafsbotni. En engar staðfestar sannanir eru þó fyrirliggjandi um hvar vélin er niður komin.

Vélin tók á loft frá Surabaya og yfirvöld þar segja að leitarflokkar séu nú að nálgast svæðið í Javahafi, þar sem talið er að vélin kunni að vera.