Ný viðbót Facebook vekur upp slæmar minningar

Forsvarsmenn vefsíðunnar vinsælu Facebook hafa beðið þá afsökunar sem voru minntir á slæma tíma á árinu sem senn er á enda með viðbót sinni, The Year in Review.

Þessi viðbót virkar þannig að vinsælar myndir Facebook-notenda á árinu eru settar saman í hátíðlega áramótafærslu.

Einn þeirra sem hefur gagnrýnt uppátæki samfélagsmiðilsins er Eric Meyer, rithöfundur og vefsíðuhönnuður. Hann missti dóttur sína á árinu og segir hann sárt að opna Facebook og við honum blasi andlit hennar undir orðunum: „Svona var árið þitt.“