Eiður Smári í viðræðum við FC Kaupmannahöfn

Eiður Smári Guðjohnsen er þessa dagana í viðræðum við danska stórliðið FC Kaupmannahöfn um að leika með liðinu á næsta tímabili.

Michael Qureshi, íþróttablaðamaður á BT Sports í Danmörku greinir frá því að Eiður æfi þessa dagana með FCK og sé í viðræðum um að ganga til liðs við félagið.

Eiður Smári er án félags eftir að samningur hans hjá Club Brugge rann út í vor eftir tveggja ára dvöl í Belgíu.

Eiður Smári er ekki eini leikmaðurinn sem er í viðræðum við FCK en danska stórliðið er einnig í viðræðum við Christian Poulsen, fyrrum leikmann Liverpool og Juventus.

Havde glædet os til at breake at Eidur Gudjohnsen er i dialog med FCK og træner med fra i morgen- FCK kom os i forkøbet ....

— Michael Qureshi (@MichaelQureshi) September 3, 2014