Kísilverið getur tafist um ár en Húsvíkingar anda rólega Haraldur Guðmundsson skrifar 12. desember 2014 07:00 ESA samþykkti í mars síðastliðnum ríkisaðstoð sem Norðurþing og ríkið veittu PCC í formi skattaívilnana og framkvæmdastyrks. Rannsókn Eftirlitsstofnunar EFTA (ESA) á því hvort orkusamningar vegna fyrirhugaðs kísilvers PCC á Bakka við Húsavík feli í sér óheimila ríkisaðstoð getur tekið allt að tólf mánuði. Sveitarstjóri Norðurþings segir heimamenn anda rólega þrátt fyrir að þeir hafi beðið í um áratug eftir iðnaðaruppbyggingu á svæðinu. „Á meðan þessi óvissa ríkir anda menn rólega en auðvitað hefur þetta gríðarlega mikið um það að segja hvernig við náum að spila úr okkar málum og þróa okkar samfélag áfram. Við treystum því á að menn leysi þetta,“ segir Kristján Þór Magnússon, sveitarstjóri Norðurþings.Kristján Þór MagnússonESA tilkynnti á miðvikudag að stofnunin hefði efasemdir um að væntar tekjur af orkusölu Landsvirkjunar til þýska fyrirtækisins væru nægar miðað við áætlaðan kostnað við byggingu og rekstur Þeistareykjavirkjunar. Einnig telur ESA óljóst hvort nærri fimm milljarða króna fjárfesting, sem nauðsynleg er til að tengja verksmiðju PCC og virkjunina við flutningskerfi Landsnets, kunni að fela í sér ívilnun til þýska fyrirtækisins sem yrði þá fjármögnuð með auknum kostnaði notenda sem fyrir eru. „Ég veit ekkert hvort né með hvaða hætti þetta mun hafa áhrif á framgang verkefnisins. Þetta er fyrst og síðast mál á milli Landsvirkjunar og PCC sem þau þurfa að leysa. Við erum að vinna eftir okkar tímalínum og þetta hefur sannarlega engin áhrif á fyrri úrskurði ESA sem snúa að þeim samningum sem Norðurþing og ríkið gerðu við PCC,“ segir Kristján. Forsvarsmenn PCC komu hingað til lands í síðustu viku og tilkynntu þá að lokaákvörðun um byggingu kísilversins yrði ekki tekin á þessu ári eins og til stóð. Sögðust þeir vona að ákvörðun gæti legið fyrir fljótlega eftir áramót þegar fjármögnun verkefnisins yrði komin á hreint. Kristján segir aðspurður að sveitarfélagið ætli ekki að hefja jarðvegsframkvæmdir á Bakka fyrr en ákvörðun PCC liggur fyrir. „Ég reikna ekki með því. Ég held að ef að menn rýna í það sem hefur gerst í Helguvík þá ætti það að vera víti til varnaðar,“ segir Kristján og vísar til ákvörðunar bæjaryfirvalda í Reykjanesbæ um að hefja undirbúning komu kísilvera í Helguvík áður en öll verkefnin eru í hendi. Kristján bendir einnig á að Norðurþing hefur átt í samskiptum við önnur fyrirtæki sem hafa sýnt Bakka áhuga. Eitt þeirra er félagið Klappir Development sem hefur kynnt áform um byggingu 120 þúsund tonna álvers á svæðinu fyrir bæjaryfirvöldum. „PCC hefur sýnt það í verki að fyrirtækið vill vera fyrst inn á svæðið og á meðan hafa viðræður við aðra ekki staðið yfir. Ég held því að allir séu sammála um að þessi rannsókn megi ekki taka allt að ár ef það er mögulega hægt að komast hjá því.“Býst ekki við athugasemdum frá ESA Magnús Garðarsson, framkvæmdastjóri United Silicon, segist ekki eiga von á athugasemdum frá ESA vegna raforkusamnings fyrirtækisins við Landsvirkjun vegna kísilversins sem United ætlar að reisa í Helguvík. „Við höfum hlerað hvort þetta sé eitthvert vandamál en svo er ekki því við erum að kaupa raforku sem er til og það er ekki verið að byggja nýja virkjun fyrir okkur. Því er ekki verið að bera virkjunarkostnað saman við það sem við erum að kaupa. Svo er ég viss um að við borgum hærra raforkuverð en álverin, samkvæmt meðalverði sem birt er í ársskýrslu Landsvirkjunar, og því get ég ekki séð að okkar samningur geti innihaldið einhvers konar ríkisstyrk,“ segir Magnús. Byggingarfulltrúi Reykjanesbæjar samþykkti byggingarleyfi United Silicon í síðustu viku. Búið er að hanna verksmiðjuna og jarðvegsframkvæmdum á lóð fyrirtækisins er lokið. „Nú er að hefjast steypuvinna og verkið er því á áætlun,“ segir Magnús. Mest lesið „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Merkum áfanga fagnað í verslun BYKO á Selfossi Samstarf „Gátum ekki setið og beðið endalaust“ Neytendur Hægir á verðhækkunum matvöru Neytendur Landsbankinn telur skilmála sína nógu skýra Viðskipti innlent Orðalag þurfi að vera nægilega skýrt fyrir sæmilega upplýstan neytanda Viðskipti innlent Ingu Tinnu hjá Dineout gjörsamlega ofboðið Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Fetar í fótspor forverans og vildi einn lækka vexti Viðskipti innlent „Ég var pæja sem vildi ekki vera með ljótan gulan hatt á hausnum“ Atvinnulíf Fleiri fréttir Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sjá meira
Rannsókn Eftirlitsstofnunar EFTA (ESA) á því hvort orkusamningar vegna fyrirhugaðs kísilvers PCC á Bakka við Húsavík feli í sér óheimila ríkisaðstoð getur tekið allt að tólf mánuði. Sveitarstjóri Norðurþings segir heimamenn anda rólega þrátt fyrir að þeir hafi beðið í um áratug eftir iðnaðaruppbyggingu á svæðinu. „Á meðan þessi óvissa ríkir anda menn rólega en auðvitað hefur þetta gríðarlega mikið um það að segja hvernig við náum að spila úr okkar málum og þróa okkar samfélag áfram. Við treystum því á að menn leysi þetta,“ segir Kristján Þór Magnússon, sveitarstjóri Norðurþings.Kristján Þór MagnússonESA tilkynnti á miðvikudag að stofnunin hefði efasemdir um að væntar tekjur af orkusölu Landsvirkjunar til þýska fyrirtækisins væru nægar miðað við áætlaðan kostnað við byggingu og rekstur Þeistareykjavirkjunar. Einnig telur ESA óljóst hvort nærri fimm milljarða króna fjárfesting, sem nauðsynleg er til að tengja verksmiðju PCC og virkjunina við flutningskerfi Landsnets, kunni að fela í sér ívilnun til þýska fyrirtækisins sem yrði þá fjármögnuð með auknum kostnaði notenda sem fyrir eru. „Ég veit ekkert hvort né með hvaða hætti þetta mun hafa áhrif á framgang verkefnisins. Þetta er fyrst og síðast mál á milli Landsvirkjunar og PCC sem þau þurfa að leysa. Við erum að vinna eftir okkar tímalínum og þetta hefur sannarlega engin áhrif á fyrri úrskurði ESA sem snúa að þeim samningum sem Norðurþing og ríkið gerðu við PCC,“ segir Kristján. Forsvarsmenn PCC komu hingað til lands í síðustu viku og tilkynntu þá að lokaákvörðun um byggingu kísilversins yrði ekki tekin á þessu ári eins og til stóð. Sögðust þeir vona að ákvörðun gæti legið fyrir fljótlega eftir áramót þegar fjármögnun verkefnisins yrði komin á hreint. Kristján segir aðspurður að sveitarfélagið ætli ekki að hefja jarðvegsframkvæmdir á Bakka fyrr en ákvörðun PCC liggur fyrir. „Ég reikna ekki með því. Ég held að ef að menn rýna í það sem hefur gerst í Helguvík þá ætti það að vera víti til varnaðar,“ segir Kristján og vísar til ákvörðunar bæjaryfirvalda í Reykjanesbæ um að hefja undirbúning komu kísilvera í Helguvík áður en öll verkefnin eru í hendi. Kristján bendir einnig á að Norðurþing hefur átt í samskiptum við önnur fyrirtæki sem hafa sýnt Bakka áhuga. Eitt þeirra er félagið Klappir Development sem hefur kynnt áform um byggingu 120 þúsund tonna álvers á svæðinu fyrir bæjaryfirvöldum. „PCC hefur sýnt það í verki að fyrirtækið vill vera fyrst inn á svæðið og á meðan hafa viðræður við aðra ekki staðið yfir. Ég held því að allir séu sammála um að þessi rannsókn megi ekki taka allt að ár ef það er mögulega hægt að komast hjá því.“Býst ekki við athugasemdum frá ESA Magnús Garðarsson, framkvæmdastjóri United Silicon, segist ekki eiga von á athugasemdum frá ESA vegna raforkusamnings fyrirtækisins við Landsvirkjun vegna kísilversins sem United ætlar að reisa í Helguvík. „Við höfum hlerað hvort þetta sé eitthvert vandamál en svo er ekki því við erum að kaupa raforku sem er til og það er ekki verið að byggja nýja virkjun fyrir okkur. Því er ekki verið að bera virkjunarkostnað saman við það sem við erum að kaupa. Svo er ég viss um að við borgum hærra raforkuverð en álverin, samkvæmt meðalverði sem birt er í ársskýrslu Landsvirkjunar, og því get ég ekki séð að okkar samningur geti innihaldið einhvers konar ríkisstyrk,“ segir Magnús. Byggingarfulltrúi Reykjanesbæjar samþykkti byggingarleyfi United Silicon í síðustu viku. Búið er að hanna verksmiðjuna og jarðvegsframkvæmdum á lóð fyrirtækisins er lokið. „Nú er að hefjast steypuvinna og verkið er því á áætlun,“ segir Magnús.
Mest lesið „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Merkum áfanga fagnað í verslun BYKO á Selfossi Samstarf „Gátum ekki setið og beðið endalaust“ Neytendur Hægir á verðhækkunum matvöru Neytendur Landsbankinn telur skilmála sína nógu skýra Viðskipti innlent Orðalag þurfi að vera nægilega skýrt fyrir sæmilega upplýstan neytanda Viðskipti innlent Ingu Tinnu hjá Dineout gjörsamlega ofboðið Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Fetar í fótspor forverans og vildi einn lækka vexti Viðskipti innlent „Ég var pæja sem vildi ekki vera með ljótan gulan hatt á hausnum“ Atvinnulíf Fleiri fréttir Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sjá meira