Áhöld um umboðssvik en bankaráð mun ekki aðhafast frekar Þorbjörn Þórðarson skrifar 27. september 2014 19:38 Bankaráð Seðlabanka Íslands mun ekki aðhafast frekar í máli Láru Valgerðar Júlíusdóttur fyrrverandi formanns bankaráðsins og Más Guðmundssonar seðlabankastjóra eftir að Már hefur endurgreitt málskostnað sem Seðlabankinn bar í máli hans gegn bankanum. Einn bankaráðsmaður telur eðlilegt að málið verði rannsakað frekar þótt viðkomandi hafi ekki sett fram þá skoðun á vettvangi ráðsins. Meirihluti bankaráðs Seðlabanka Íslands ákvað á miðvikudag að hafna greiðslu málskostnaðar Más Guðmundssonar vegna máls sem hann höfðaði gegn bankanum. Lára Valgerður Júlíusdóttir fyrrverandi formaður bankaráðsins hafði áður tekið ákvörðun um að bankinn greiddi þennan kostnað. Bankaráðið mun því ekki samþykkja að gera málskostnaðinn að rekstrarkostnaði bankans. Bankaráðið gerði í raun ekki kröfu um aðseðlabankastjóri endurgreiddi fjárhæðina. Hins vegar sagði Már Guðmundsson sjálfur í bréfi sem hann sendi bankaráðinu 11. júlí að hann myndi sjálfur endurgreiða kostnaðinn ef bankaráðið myndi ekki samþykkja reikningana. Már tapaði málinu á báðum dómstigum en málskostnaður hans er sagður á fjórðu milljón króna. Í svarbréfi Ríkisendurskoðunar frá júní sl. við erindi bankaráðsins vegna málsins kom fram að formaður bankaráðsins hefði ekki sjálfstæðar valdheimildir til að skuldbinda bankann. Lára Valgerður hefði því þurft að bera þessa ákvörðun um greiðslu málskostnaðarins undir bankaráðið til samþykktar, en orðrétt segir í bréfi Ríkisendurskoðunar: „Gerðarbók ráðsins ber ekki með sér að ákvörðun um greiðslu málskostnaðar bankastjórans hafi verið borin upp til samþykktar í ráðinu eins og gert er ráð fyrir í 27. gr. laganna (um Seðlabankann).“ og „hefði að mati Ríkisendurskoðunar átt að bera ákvörðun um greiðslu þeirra upp til samþykktar í bankaráðinu.“Umboðssvik Láru eða þeirra beggja? Vangaveltur hafa verið um hvort ákvörðun um útgjöld vegna málskostnaðarins gæti mögulega fallið undir umboðssvik. Einn bankaráðsmaður sem fréttastofa hefur rætt við segist vera þeirrar skoðunar að eðlilegt sé að rannsaka ákvörðun um greiðslu málskostnaðarins sem möguleg umboðssvik. Til að hægt sé að sakfella fyrir umboðssvik samkvæmt 249. gr. almennra hegningarlaga þurfa þrjú skilyrði að vera uppfyllt, eins og ákvæðið hefur verið skýrt í dómaframkvæmd. 1. Ákærði þarf að hafa aðstöðu á hendi þannig að annar maður eða lögaðili verði bundinn við ráðstöfun hans. 2. Ákærði þarf að fara út fyrir þessa aðstöðu eða umboð. 3. Með þeirri háttsemi þarf að skapast veruleg fjártjónshætta fyrir þann sem er bundinn af henni. Eins og um önnur brot sem falla undir auðgunarbrotakafla almennra hegningarlaga þarf brotið að vera framið í auðgunarskyni og ásetningur þarf að vera til staðar um fjárhagslegan ávinning. Fór út fyrir heimildir sínar sem formaður bankaráðsins Fyrir liggur í málinu að fyrrverandi formaður bankaráðsins fór út fyrir umboð sitt þegar hún samþykkti greiðslu reikninganna og fjártjónið var til staðar. Það stendur efnislega í bréfi Ríkisendurskoðunar til bankaráðsins. Hins vegar hefur formaðurinn fyrrverandi ítrekað lýst því yfir að hún hafi gert þetta í góðri trú. Til dæmis segir um huglægar ástæður hennar í bréfi Ríkisendurskoðunar: „leit fyrrverandi formaður bankaráðsins svo á að þar sem hann hefði með vitneskju bæði bankaráðsins og yfirstjórnar bankans farið með forsvar fyrir hönd Seðlabankans í máli seðlabankastjóra gegn honum hefði hann jafnframt fullnægjandi heimild til að samþykkja umrædda reikninga.“ Eftir á kom svo á daginn að þetta mat Láru Valgerðar Júlíusdóttur var rangt, eins og rakið er í bréfi Ríkisendurskoðunar. Ólafur Þór Hauksson sérstakur saksóknari sagði í samtali við Stöð 2 að embættinu hefði ekki borist kæra vegna hugsanlegra umboðssvika í málinu. Hann sagði að embættið gæti að eigin frumkvæði hafið rannsókn án undangenginnar kæru en svaraði ekki hvort slík rannsókn yrði hafin. Samkvæmt upplýsingum Stöðvar 2 hefur ekki komið til umræðu á fundum bankaráðs Seðlabankans að kæra Láru eða Má sjálfan vegna umboðssvika. Málinu er lokið af hálfu bankaráðsins og mun ráðið ekki hlutast til um að því verði vísað til sérstaks saksóknara. Mest lesið Ballið búið fyrir fullt og allt á B5 Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Krónísk óstundvísi: Skýringar og góð ráð Atvinnulíf Krökkunum finnst hálf hallærislegt að mamman kunni Friends þættina utan að Atvinnulíf Háttsemi dómara ekki saknæm og Isavia fær því enga milljarða Viðskipti innlent Þarf að greiða kortareikninginn og meira til í málskostnað Neytendur Tekjur Apple drógust saman enn eina ferðina Viðskipti erlent Matvöruverslun og íbúðir steinsnar frá Keflavíkurflugvelli Viðskipti innlent Neytendur kunna að meta Landlaxinn og Landbleikjuna Samstarf Aukið öryggi í bílaviðskiptum á netinu – Bland og Frágangur í samstarf Samstarf Fleiri fréttir Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Sjá meira
Bankaráð Seðlabanka Íslands mun ekki aðhafast frekar í máli Láru Valgerðar Júlíusdóttur fyrrverandi formanns bankaráðsins og Más Guðmundssonar seðlabankastjóra eftir að Már hefur endurgreitt málskostnað sem Seðlabankinn bar í máli hans gegn bankanum. Einn bankaráðsmaður telur eðlilegt að málið verði rannsakað frekar þótt viðkomandi hafi ekki sett fram þá skoðun á vettvangi ráðsins. Meirihluti bankaráðs Seðlabanka Íslands ákvað á miðvikudag að hafna greiðslu málskostnaðar Más Guðmundssonar vegna máls sem hann höfðaði gegn bankanum. Lára Valgerður Júlíusdóttir fyrrverandi formaður bankaráðsins hafði áður tekið ákvörðun um að bankinn greiddi þennan kostnað. Bankaráðið mun því ekki samþykkja að gera málskostnaðinn að rekstrarkostnaði bankans. Bankaráðið gerði í raun ekki kröfu um aðseðlabankastjóri endurgreiddi fjárhæðina. Hins vegar sagði Már Guðmundsson sjálfur í bréfi sem hann sendi bankaráðinu 11. júlí að hann myndi sjálfur endurgreiða kostnaðinn ef bankaráðið myndi ekki samþykkja reikningana. Már tapaði málinu á báðum dómstigum en málskostnaður hans er sagður á fjórðu milljón króna. Í svarbréfi Ríkisendurskoðunar frá júní sl. við erindi bankaráðsins vegna málsins kom fram að formaður bankaráðsins hefði ekki sjálfstæðar valdheimildir til að skuldbinda bankann. Lára Valgerður hefði því þurft að bera þessa ákvörðun um greiðslu málskostnaðarins undir bankaráðið til samþykktar, en orðrétt segir í bréfi Ríkisendurskoðunar: „Gerðarbók ráðsins ber ekki með sér að ákvörðun um greiðslu málskostnaðar bankastjórans hafi verið borin upp til samþykktar í ráðinu eins og gert er ráð fyrir í 27. gr. laganna (um Seðlabankann).“ og „hefði að mati Ríkisendurskoðunar átt að bera ákvörðun um greiðslu þeirra upp til samþykktar í bankaráðinu.“Umboðssvik Láru eða þeirra beggja? Vangaveltur hafa verið um hvort ákvörðun um útgjöld vegna málskostnaðarins gæti mögulega fallið undir umboðssvik. Einn bankaráðsmaður sem fréttastofa hefur rætt við segist vera þeirrar skoðunar að eðlilegt sé að rannsaka ákvörðun um greiðslu málskostnaðarins sem möguleg umboðssvik. Til að hægt sé að sakfella fyrir umboðssvik samkvæmt 249. gr. almennra hegningarlaga þurfa þrjú skilyrði að vera uppfyllt, eins og ákvæðið hefur verið skýrt í dómaframkvæmd. 1. Ákærði þarf að hafa aðstöðu á hendi þannig að annar maður eða lögaðili verði bundinn við ráðstöfun hans. 2. Ákærði þarf að fara út fyrir þessa aðstöðu eða umboð. 3. Með þeirri háttsemi þarf að skapast veruleg fjártjónshætta fyrir þann sem er bundinn af henni. Eins og um önnur brot sem falla undir auðgunarbrotakafla almennra hegningarlaga þarf brotið að vera framið í auðgunarskyni og ásetningur þarf að vera til staðar um fjárhagslegan ávinning. Fór út fyrir heimildir sínar sem formaður bankaráðsins Fyrir liggur í málinu að fyrrverandi formaður bankaráðsins fór út fyrir umboð sitt þegar hún samþykkti greiðslu reikninganna og fjártjónið var til staðar. Það stendur efnislega í bréfi Ríkisendurskoðunar til bankaráðsins. Hins vegar hefur formaðurinn fyrrverandi ítrekað lýst því yfir að hún hafi gert þetta í góðri trú. Til dæmis segir um huglægar ástæður hennar í bréfi Ríkisendurskoðunar: „leit fyrrverandi formaður bankaráðsins svo á að þar sem hann hefði með vitneskju bæði bankaráðsins og yfirstjórnar bankans farið með forsvar fyrir hönd Seðlabankans í máli seðlabankastjóra gegn honum hefði hann jafnframt fullnægjandi heimild til að samþykkja umrædda reikninga.“ Eftir á kom svo á daginn að þetta mat Láru Valgerðar Júlíusdóttur var rangt, eins og rakið er í bréfi Ríkisendurskoðunar. Ólafur Þór Hauksson sérstakur saksóknari sagði í samtali við Stöð 2 að embættinu hefði ekki borist kæra vegna hugsanlegra umboðssvika í málinu. Hann sagði að embættið gæti að eigin frumkvæði hafið rannsókn án undangenginnar kæru en svaraði ekki hvort slík rannsókn yrði hafin. Samkvæmt upplýsingum Stöðvar 2 hefur ekki komið til umræðu á fundum bankaráðs Seðlabankans að kæra Láru eða Má sjálfan vegna umboðssvika. Málinu er lokið af hálfu bankaráðsins og mun ráðið ekki hlutast til um að því verði vísað til sérstaks saksóknara.
Mest lesið Ballið búið fyrir fullt og allt á B5 Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Krónísk óstundvísi: Skýringar og góð ráð Atvinnulíf Krökkunum finnst hálf hallærislegt að mamman kunni Friends þættina utan að Atvinnulíf Háttsemi dómara ekki saknæm og Isavia fær því enga milljarða Viðskipti innlent Þarf að greiða kortareikninginn og meira til í málskostnað Neytendur Tekjur Apple drógust saman enn eina ferðina Viðskipti erlent Matvöruverslun og íbúðir steinsnar frá Keflavíkurflugvelli Viðskipti innlent Neytendur kunna að meta Landlaxinn og Landbleikjuna Samstarf Aukið öryggi í bílaviðskiptum á netinu – Bland og Frágangur í samstarf Samstarf Fleiri fréttir Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Sjá meira