Bretland heldur toppeinkunn sinni

Matsfyrirtækið Standard and Poor's hefur tilkynnt að Bretland muni halda toppeinkun sinni AAA að sinni. Fyrirtækið gerir ráð fyrir að breskur efnahagur muni ná sér aftur á strik eftir óhagstæðan fyrrihluta ársins 2012.

George Osborne, fjármálaráðherra Bretlands, sagði að þetta væri staðfesting á því að heimurinn treysti því að Bretland væri að vinna úr skuldamálum sínum.

Standard and Poor's sögðu í tilkynningu að sveigjanleiki væri helsti styrkur Bretlands. Þessi kostur fælist í að landið væri með sjálfstæðan gjaldmiðil, pundið.

BBC segir frá.