Björn Ingi nýr stjórnarformaður DV

Björn Ingi Hrafnsson, sem fer fyrir kaupendum DV, var kosinn nýr stjórnarformaður útgáfufélags DV og DV.is á hluthafafundi í dag. Aðrir sem kosnir voru í stjórnina eru Arnar Ægisson, framkvæmdastjóri Vefpressunnar, og lögmaðurinn Sigurvin Ólafsson. Varamaður í stjórn er Jakob Hrafnsson, bróðir Björns Inga.  Kjarninn greinir frá.

Í síðustu viku veitti Samkeppniseftirlitið eigendum Pressunnar leyfi til að hefja undirbúning á yfirtöku á DV ehf. Samruninn hefur enn ekki verið samþykktur en fyrirtækin geta nú byrjað að samþætta verklag og þjónustu, meðal annars auglýsingasölu.