Kanye West á forsíðu GQ

Tónlistarmaðurinn Kanye West er á nýjustu forsíðu GQ tímaritsins þar sem hann fer mikinn í löngu viðtali. Rapparinn talar meðal annars um þriggja kortéra ræðuna sem hann hélt í brúðkaupinu sínu og hvaða rappari sé besti rappari allra tíma.

Kanye fór, líkt og oft áður, fögrum orðum um sjálfan sig og eiginkonu sína Kim Kardashian og talar einnig um hina víðfrægu Instagram-mynd úr brúðkaupi þeirra en sú mynd hefur hlotið flest „like“ af öllum myndum sem birtar hafa verið á samfélagsmiðlinum.

Í lok viðtalsins segist hann það vera erfiðara að rita nafn sitt í sögubækurnar en hann hafði áður haldið. Þá endar hann viðtalið á því að hann hafi lært það að taka meira mark á ráðum eiginkonu sinnar, Kim, en á því sem annað fólk ráðleggur honum að gera og að til þess að „sigra lífið“ þá þurfi fólk að hugsa eins og Kim.

Instagram-myndina frægu má sjá hér að neðan.