„Listamenn eru ekki að græða neitt“

Bubbi sjálfur mætti í þáttinn í morgun og ræddi plötumarkaðinn og plötusölu, sem hann gerði að umtalsefni í nýlegri Facebook færslu. Allt er í klessu og hann er óhræddur við að láta heyra í sér eins og venjulega.

Staða íslenskra plötusmiða er ekki góð. „Listamenn eru ekki að græða neitt“ en neytendur eru að stórgræða á kostnað þeirra. Hvern hefði grunað að hlustun á tónlist yrði seinna meir gríðarlegt vandamál fyrir tónlistarmenn?

Bubbi segir að stór hluti tónlistar eins og við þekkjum hana mun leggjast af. Sérstaklega listræn tónlist, svona tónlist sem ekki er hægt að dansa við. Með metnaði verða plötur dýrari og svo þegar þær seljast ekki þá tapa listamenn. Hann vill að stjórnvöld beiti sér í því að finna einhverja lausn á þessu. Annars endum við með „forheimsku og einnota drasl - að stórum hluta.“

Hressandi viðtal við meistarann er hægt að nálgast hér.