Svana Katla hafði getur gegn Aðalheiði Rósu

Í dag fór fram karatehluti Reykjavik International Games (RIG) í Víkinni, íþróttahúsi Víkings í Stjörnugróf. Fyrir hádegi var keppt í fullorðinsflokkum en í unglingaflokkum eftir hádegi. Þrír útlenskir keppendur mættu í morgun og sýndu góð tilþrif.  

Í kata karla voru einungis íslenskir keppendur að þessu sinni og sigraði Íslandsmeistarinn Elías Snorrason, KFR, Heiðar Benediktsson, Breiðablik, í skemmtilegri viðureign en þeir áttust einnig við á síðasta Íslandsmóti þar sem Elías bar einnig sigurorð af Heiðari. 

Í kata kvenna voru landsliðkonur okkar mættar ásamt Ashley Scott frá Bretlandi, sem keppti bæði í kata og kumite í dag.  Í undanúrslitum sigraði Svana Katla Þorsteinsdóttir, Breiðablik, liðsfélaga sinn Aðalheiði Rósu Harðardóttur. 

Í hinum undanúrslitaviðureigninni mættust Kristín Magnúsdóttir, Breiðablik, og Ashley Scott þar sem Kristín sigraði.  Í úrslitum mættust því Svana Katla og Kristín og sigraði Svana Katla eftir að hafa sýnt góða kata í dag.

Í kumite -75kg flokki var Corentin Seguy, Frakklandi, meðal keppanda og sýndi hann mjög snarpa takta þegar hann lagði þá Sindra Pétursson, Víking, og Arnar Frey Nikulásson, Breiðablik, í undanriðlum. Í úrslitum mætti Corentin Elíasi Guðna Guðnasyni, Fylki, en Corentin vann nokkuð örugglega þann bardaga og flokkinn í heild sinni. 

Í þyngri flokknum, +75kg flokki, var Lonni Boulesnane meðal keppanda, en hann lagði Guðna Hrafn Pétursson, Fylki, og Hjálmar Þór Jensson, Fylki, á leið sinni í úrslit, báða nokkuð örugglega. Í úrslitum mætti hann Pétri Rafn Bryde, Víking, og var það mjög skemmtileg viðureign þar sem Pétur stóð vel í Lonni. En keppnisreynsla Lonni reyndist sterkari á endanum og sigraði hann flokkinn, en þess má geta að Lonni lenti í 2.sæti á Opna franska meistaramótinu núna í janúar. 

Í kumite kvenna sigraði Ashley Scott Aðalheiði Rósu Harðardóttur, Breiðablik, í undanúrslitum og mætti því Telmu Rut Frímannsdóttur, aftureldingu, í úrslitum.  Sú viðureign var mjög fjörug þar sem Ashley stóð uppi sem sigurvegari.

Hér eru svo heildarúrslit í fullorðinsflokkum.

Kata senior kvenna                   

1    Svana Katla Þorsteinsdóttir        Breiðablik

2    Kristín Magnúsdóttir                  Breiðablik

3    Ashley Scott                             Bretland

3    Aðalheiður Rósa Harðardóttir      Breiðablik

                                                                    

Kumite senior kvenna              

1    Ashley Scott                             Bretland

2    Telma Rut Frímannsdóttir           Afturelding

3    Aðalheiður Rósa Harðardóttir      Breiðablik

3    Ingibjörg Ásta Halldórsdóttir      KFR

                                                                    

Kata senior karla                      

1    Elías Snorrason                         KFR

2    Heiðar Benediktsson                  Breiðablik

3    Davíð Freyr Guðjónsson            Breiðablik

3    Sverrir Magnússon                    KFR

                                                                    

Kumite senior -75 karla            

1    Corentin Seguy                         Frakkland

2    Elías Guðni Guðnason               Fylkir

3    Sindri Pétursson                        Víkingur

3    Davíð Freyr Guðjónsson            Breiðablik

                                                                    

Kumite senior +75 karla           

1    Lonni Boulesnane                      Frakkland

2    Pétur R Bryde                           Víkingur

3    Hjálmar Þór Jensen                   Fylkir

3    Jóhannes Gauti Óttarsson          Fylkir

Eftir hádegi fór svo fram keppni í unglingaflokkum, þar sem keppt var í þremur aldursflokkum, 12-13 ára, 14-15 ára og svo 16-17 ára, bæði var keppt í kata og kumite.  Hér má svo sjá helstu úrslit í þeim flokkum;

Flokkur                          Sigurvegari                            Félag

Youth kvk kata               Mary Jane Padua                    Víkingur

Youth kk kata                 Viktor Steinn Sighvatsson       Fjölnir

Cadett kvk kata              Arna Katrín Kristinsdóttir          Breiðablik

Cadett kk kata                Kári Haraldsson                      Afturelding

Junior kvk kata               Katrín Kristinsdóttir                 Breiðablik

Junior kk kata                 Bogi Benediktsson                 Þórshamar

Youth kvk kumite -50kg   Iveta Ivanova                          Fylkir

Youth kvk kumite +50kg  Mary Jane Padua                    Víkingur

Youth kk kumite -55kg    Viktor Steinn Sighvatsson       Fjölnir

Youth kk kumite +55kg   Ágúst Heiðar Sveinbjörnsson   Fylkir

Cadet kvk kumite -54kg   Edda Kristín Óttarsdóttir          Fylkir

Cadet kvk kumite +54kg  Katrín Ingunn Björnsdóttir        Fylkir

cadet kk kumite              Þorsteinn Freygarðsson          Fylkir

Junior kvk kumite +59kg Unnur Lilja Þórðardóttir            KFR

Junior kk kumite -76kg    Ólafur Engilbert Árnason         Fylkir

Junior kk kumite +76kg   Eiríkur Örn Róbertsson            Þórshamar

Myndir af sigurvegurum í hinum ýmsu flokkum má sjá hér að ofan.