Bankar flytja höfuðstöðvar sínar kjósi Skotar sjálfstæði

Royal Bank of Scotland hefur staðfest að bankinn muni flytja höfuðstöðvar sínar til Lundúna, fari svo að meirihluti Skota kjósi sjálfstæði í kosningunum sem fram fara eftir eina viku.

Í bréfi til starfsmanna segir framkvæmdastjóri bankans þó að ekki standi til að flytja störf eða aðra starfsemi.

Í frétt Reuters segir að Lloyds-bankinn í Edinborg og Clydesdale-bankinn munu sömuleiðis flytja höfuðstöðvar sínar kjósi Skotar sjálfstæði, en óvissa ríkir um framtíð bankanna og það lagaumhverfi sem þeir munu starfa í verði þetta niðurstaðan.