Fékk afsökunarbeiðni frá innanríkisráðuneytinu 13. nóvember 2014 14:48 Hanna Björg fékk afsökunarbeiðni frá ráðuneytinu. Lögfræðingur í innanríkisráðuneytinu var áminntur af ráðuneytisstjóra fyrir að brjóta siðareglur stjórnarráðsins. Lögfræðingurinn sendi tölvupóst úr pósthólfi ráðuneytisins á starfsmann Barnaverndarstofu, í september í fyrra. Í póstinum fjallar lögfræðingurinn um persónuleg mál fyrrum sambýliskonu vinar síns og deilur sem upp komu í kjölfar sambúðarslita þeirra. Konunni, sem heitir Hanna Björg Margrétardóttir, barst afsökunarbeiðni frá innanríkisráðuneytinu í júlí. Hún ákvað að deila sögu sinni á Facebook í gær. Í afsökunarbréfi innanríkisráðuneytisins segir meðal annars: „Ráðuneytinu þykir miður hafið þér orðið fyrir óþægindum vegna þessara mistaka.“ Þar segir einnig: „Efni tölvubréfsins er ráðuneytinu óviðkomandi.“ Hanna Björg er afar ósátt við þessi skrif mannsins en í bréfinu má finna ýmsar fullyrðingar um skapgerð hennar, sem hún er afar ósammála, auk skrifa um sambandsslit hennar og fyrrum sambýlismanns hennar. „Þessi póstur er uppfullur af tilhæfulausum aðdróttunum í garð minn sem og ósannindum sem bréfritari hefur eftir vini sínum,“ segir Hanna Björg og vísar þar í vinskap fyrrum sambýlismanns síns og lögfræðingsins sem ritaði bréfið. Málið teygir anga sína til stofnunar sem heyrir undir Barnaverndarstofu, en lögfræðingurinn kallar tvo starfsmenn þeirrar stofnunar „fugla“ í bréfinu.Sendi á lögfræðing Barnaverndarstofu Í bréfinu rekur lögfræðingurinn atburðarás sem hófst við sambandsslit Hönnu Bjargar og fyrrum sambýlismanns hennar. Hanna Björg fór af heimili þeirra í fimm daga og þegar hún kom þangað aftur til að sækja eigur sínar tók hún eftir því að búið var að skipta um skrá á útidyrahurðinni, þannig að hún komst ekki inn í íbúðina. Hún ákvað að brjóta rúðu til þess að komast inn í íbúðina en hringdi samstundis á lögreglu og sagði frá því hvað hún hafði gert. Lögreglumenn komu á staðinn innan skamms. „Frá þeirri stundu sem fyrrum sambýlismaður minn skipti um lás á heimili okkar hindraði hann aðgang minn að heimili mínu og lögmætum eigum,“ útskýrir Hanna Björg í samtali við Vísi og bætir við: „Að mínu mati skiptir það miklu máli fyrsta verk mitt eftir að ég braut rúðurnar var ekki að fara inn heldur að hringja á lögregluna. Það gerði ég vegna þess að mér var ógnað, hafði orðið fyrir vörslusviptingu og vildi eðlilega fá lögreglu á svæðið.“Kallaði starfsmenn „fugla“ Ein af ástæðum þess að lögfræðingur innanríkisráðuneytisins sendi bréf á kollega sinn hjá Barnaverndarstofu var sú að Hanna Björg starfaði hjá stofnun sem heyrði undir Barnaverndarstofu. Lögfræðingurinn setti út á að hún hafi beðið tvo vinnufélaga sína að koma eftir að hún hafði brotið rúðuna í íbúðinni. Þeir komu á staðinn skömmu eftir að lögreglan var farin. Hanna Björg, bað vinnufélaga sína að hjálpa sér að flytja eigur sínar úr íbúðinni. Þá var fyrrum sambýlismaður hennar kominn heim og meinaði mönnunum inngöngu í íbúðina. Í bréfi sínu gerir lögfræðingurinn athugasemdir við að vinnufélagar Hönnu hafi komið á vettvang á vinnutíma og setur út á að þeir hafi ekið bíl sem var í eigu stofnunarinnar sem þeir unnu hjá. Hanna Björg bendir aftur á móti á að lögfræðingurinn hafi sjálfur verið að ganga erinda vinar síns á sínum vinnutíma. „Hann sendir bréfið á sínum vinnutíma úr tölvu innanríkisráðuneytisins, þannig að hann ætti kannski að líta sér nær,“ segir hún. Í bréfi sínu segir lögfræðingurinn að vinnufélagar Hönnu Bjargar hafi sýnt ógnandi hegðun. „Ég var vissulega ekki á staðnum en vinur minn er mjög áreiðanlegur einstaklingur, reglusamur og pottþéttur. Mér finnst þessi hegðun mannanna, eins og vinur minn lýsir henni, vera ógnandi hegðun,“ segir hann. Í lok bréfsins bætir hann við: „Ég vildi bara láta þig vita varðandi þessa tvo fugla.“Rekur þeirra persónulegu samskipti Í bréfinu rekur lögfræðingurinn samskipti milli Hönnu Bjargar og fyrrum sambýlismanns síns. Hann fullyrðir ýmislegt um hennar skapgerð og hegðun, sem Hanna Björg furðar sig mjög á. Lögfræðingurinn tekur fram að Hanna Björg hafi starfað hjá stofnun sem heyrir undir Barnaverndarstofu og segir að hún hafi sýnt af sér „undarlega hegðun“ og orðið „óstjórnlega reið.“ „Ég skil ekki hvað hann er að tala um,“ segir Hanna Björg sem segir fyrstu viðbrögðin eftir að hún sá bréfið hafa verið skömm og niðurlægingu. „Ég stunda nám við Háskóla Íslands og lýk brátt mastersprófi í félagsráðgjöf. Í bréfinu ber lögfræðingurinn út ósannindi og róg um mig og segir orðrétt: „...hún hefur sýnt undarlega hegðun, orðið óstjórnlega reið o.s.frv.“. Ég er ekki með neina greiningu eða dóma á mér um meinta skapgerðarbresti. Lögfræðingurinn byggir þetta einungis á orðum vinar síns og vísar hann einungis til mannkosta vinar síns: „ég var vissulega ekki á staðnum en vinur minn er mjög áreiðanlegur einstaklingur, reglusamur og pottþéttur. Hún bætir við: „Það er ekki heppilegt fyrir starfsframa minn að lögfræðingur innanríkisráðuneytisins skuli lýsa mér með þessum hætti og senda yfirlýsingu um það á lögfræðing Barnaverndarstofu, þar sem því er dreift til fleiri aðila.“Ráðuneytið gerði munnlegar aðfinnslurHanna Björg fékk afsökunarbeiðni frá innanríkisráðuneytinu; „Ráðuneytinu þykir miður hafið þér orðið fyrir óþægindum vegna þessara mistaka,“ var meðal þess sem stóð í því bréfinu. Þar segir einnig: „Til svars við erindi yðar tekur ráðuneytið fram að umrætt tölvubréf var ekki ritað á vegum ráðuneytisins. Farið hefur verið ítarlega yfir málið með sendanda tölvubréfsins. Um er að ræða einkabréf hans til kunningjakonu sinnar sem starfar sem lögfræðingur Barnaverndarstofu og gerði hann þau mistök að senda tölvubréfið á netfangi innanríkisráðuneytisins. Efni tölvubréfsins er ráðuneytinu óviðkomandi.“ Þar kemur einnig fram að gerðar hafi verið „munnlegar aðfinnslur við sendandann vegna þess að slíkt er ekki í samræmi við meðferð sambærilegra tilvika innan stjórnaarráðsins.“ Post by Hanna Björg Margrétardóttir. Mest lesið Þjóðhátíðargestum hleypt inn í Herjólfshöll meðan veðrið gengur yfir Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Breyti engu á jörðu niðri að viðurkenna sjálfstæði Palestínu Erlent Fjölskyldufaðir stunginn meðan sonurinn horfði á Innlent Opnun Samverks á Hellu fagnað Innlent Þjóðarpúls Gallups: Kristrún og Þorgerður gætu myndað meirihluta án Flokks fólksins Innlent Trump ræsir út kjarnorkukafbáta eftir „ögrandi“ ummæli Rússa Erlent Þjóðhátíð í Eyjum: Farþegafjöldi í Herjólfi komi á óvart Innlent „Ég upplifi þetta sem mikinn yfirgang og ofbeldi“ Innlent Fleiri fréttir Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík Sjá meira
Lögfræðingur í innanríkisráðuneytinu var áminntur af ráðuneytisstjóra fyrir að brjóta siðareglur stjórnarráðsins. Lögfræðingurinn sendi tölvupóst úr pósthólfi ráðuneytisins á starfsmann Barnaverndarstofu, í september í fyrra. Í póstinum fjallar lögfræðingurinn um persónuleg mál fyrrum sambýliskonu vinar síns og deilur sem upp komu í kjölfar sambúðarslita þeirra. Konunni, sem heitir Hanna Björg Margrétardóttir, barst afsökunarbeiðni frá innanríkisráðuneytinu í júlí. Hún ákvað að deila sögu sinni á Facebook í gær. Í afsökunarbréfi innanríkisráðuneytisins segir meðal annars: „Ráðuneytinu þykir miður hafið þér orðið fyrir óþægindum vegna þessara mistaka.“ Þar segir einnig: „Efni tölvubréfsins er ráðuneytinu óviðkomandi.“ Hanna Björg er afar ósátt við þessi skrif mannsins en í bréfinu má finna ýmsar fullyrðingar um skapgerð hennar, sem hún er afar ósammála, auk skrifa um sambandsslit hennar og fyrrum sambýlismanns hennar. „Þessi póstur er uppfullur af tilhæfulausum aðdróttunum í garð minn sem og ósannindum sem bréfritari hefur eftir vini sínum,“ segir Hanna Björg og vísar þar í vinskap fyrrum sambýlismanns síns og lögfræðingsins sem ritaði bréfið. Málið teygir anga sína til stofnunar sem heyrir undir Barnaverndarstofu, en lögfræðingurinn kallar tvo starfsmenn þeirrar stofnunar „fugla“ í bréfinu.Sendi á lögfræðing Barnaverndarstofu Í bréfinu rekur lögfræðingurinn atburðarás sem hófst við sambandsslit Hönnu Bjargar og fyrrum sambýlismanns hennar. Hanna Björg fór af heimili þeirra í fimm daga og þegar hún kom þangað aftur til að sækja eigur sínar tók hún eftir því að búið var að skipta um skrá á útidyrahurðinni, þannig að hún komst ekki inn í íbúðina. Hún ákvað að brjóta rúðu til þess að komast inn í íbúðina en hringdi samstundis á lögreglu og sagði frá því hvað hún hafði gert. Lögreglumenn komu á staðinn innan skamms. „Frá þeirri stundu sem fyrrum sambýlismaður minn skipti um lás á heimili okkar hindraði hann aðgang minn að heimili mínu og lögmætum eigum,“ útskýrir Hanna Björg í samtali við Vísi og bætir við: „Að mínu mati skiptir það miklu máli fyrsta verk mitt eftir að ég braut rúðurnar var ekki að fara inn heldur að hringja á lögregluna. Það gerði ég vegna þess að mér var ógnað, hafði orðið fyrir vörslusviptingu og vildi eðlilega fá lögreglu á svæðið.“Kallaði starfsmenn „fugla“ Ein af ástæðum þess að lögfræðingur innanríkisráðuneytisins sendi bréf á kollega sinn hjá Barnaverndarstofu var sú að Hanna Björg starfaði hjá stofnun sem heyrði undir Barnaverndarstofu. Lögfræðingurinn setti út á að hún hafi beðið tvo vinnufélaga sína að koma eftir að hún hafði brotið rúðuna í íbúðinni. Þeir komu á staðinn skömmu eftir að lögreglan var farin. Hanna Björg, bað vinnufélaga sína að hjálpa sér að flytja eigur sínar úr íbúðinni. Þá var fyrrum sambýlismaður hennar kominn heim og meinaði mönnunum inngöngu í íbúðina. Í bréfi sínu gerir lögfræðingurinn athugasemdir við að vinnufélagar Hönnu hafi komið á vettvang á vinnutíma og setur út á að þeir hafi ekið bíl sem var í eigu stofnunarinnar sem þeir unnu hjá. Hanna Björg bendir aftur á móti á að lögfræðingurinn hafi sjálfur verið að ganga erinda vinar síns á sínum vinnutíma. „Hann sendir bréfið á sínum vinnutíma úr tölvu innanríkisráðuneytisins, þannig að hann ætti kannski að líta sér nær,“ segir hún. Í bréfi sínu segir lögfræðingurinn að vinnufélagar Hönnu Bjargar hafi sýnt ógnandi hegðun. „Ég var vissulega ekki á staðnum en vinur minn er mjög áreiðanlegur einstaklingur, reglusamur og pottþéttur. Mér finnst þessi hegðun mannanna, eins og vinur minn lýsir henni, vera ógnandi hegðun,“ segir hann. Í lok bréfsins bætir hann við: „Ég vildi bara láta þig vita varðandi þessa tvo fugla.“Rekur þeirra persónulegu samskipti Í bréfinu rekur lögfræðingurinn samskipti milli Hönnu Bjargar og fyrrum sambýlismanns síns. Hann fullyrðir ýmislegt um hennar skapgerð og hegðun, sem Hanna Björg furðar sig mjög á. Lögfræðingurinn tekur fram að Hanna Björg hafi starfað hjá stofnun sem heyrir undir Barnaverndarstofu og segir að hún hafi sýnt af sér „undarlega hegðun“ og orðið „óstjórnlega reið.“ „Ég skil ekki hvað hann er að tala um,“ segir Hanna Björg sem segir fyrstu viðbrögðin eftir að hún sá bréfið hafa verið skömm og niðurlægingu. „Ég stunda nám við Háskóla Íslands og lýk brátt mastersprófi í félagsráðgjöf. Í bréfinu ber lögfræðingurinn út ósannindi og róg um mig og segir orðrétt: „...hún hefur sýnt undarlega hegðun, orðið óstjórnlega reið o.s.frv.“. Ég er ekki með neina greiningu eða dóma á mér um meinta skapgerðarbresti. Lögfræðingurinn byggir þetta einungis á orðum vinar síns og vísar hann einungis til mannkosta vinar síns: „ég var vissulega ekki á staðnum en vinur minn er mjög áreiðanlegur einstaklingur, reglusamur og pottþéttur. Hún bætir við: „Það er ekki heppilegt fyrir starfsframa minn að lögfræðingur innanríkisráðuneytisins skuli lýsa mér með þessum hætti og senda yfirlýsingu um það á lögfræðing Barnaverndarstofu, þar sem því er dreift til fleiri aðila.“Ráðuneytið gerði munnlegar aðfinnslurHanna Björg fékk afsökunarbeiðni frá innanríkisráðuneytinu; „Ráðuneytinu þykir miður hafið þér orðið fyrir óþægindum vegna þessara mistaka,“ var meðal þess sem stóð í því bréfinu. Þar segir einnig: „Til svars við erindi yðar tekur ráðuneytið fram að umrætt tölvubréf var ekki ritað á vegum ráðuneytisins. Farið hefur verið ítarlega yfir málið með sendanda tölvubréfsins. Um er að ræða einkabréf hans til kunningjakonu sinnar sem starfar sem lögfræðingur Barnaverndarstofu og gerði hann þau mistök að senda tölvubréfið á netfangi innanríkisráðuneytisins. Efni tölvubréfsins er ráðuneytinu óviðkomandi.“ Þar kemur einnig fram að gerðar hafi verið „munnlegar aðfinnslur við sendandann vegna þess að slíkt er ekki í samræmi við meðferð sambærilegra tilvika innan stjórnaarráðsins.“ Post by Hanna Björg Margrétardóttir.
Mest lesið Þjóðhátíðargestum hleypt inn í Herjólfshöll meðan veðrið gengur yfir Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Breyti engu á jörðu niðri að viðurkenna sjálfstæði Palestínu Erlent Fjölskyldufaðir stunginn meðan sonurinn horfði á Innlent Opnun Samverks á Hellu fagnað Innlent Þjóðarpúls Gallups: Kristrún og Þorgerður gætu myndað meirihluta án Flokks fólksins Innlent Trump ræsir út kjarnorkukafbáta eftir „ögrandi“ ummæli Rússa Erlent Þjóðhátíð í Eyjum: Farþegafjöldi í Herjólfi komi á óvart Innlent „Ég upplifi þetta sem mikinn yfirgang og ofbeldi“ Innlent Fleiri fréttir Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Vann skemmdir á golfvelli og skildi eftir smokk Trump hækkar tolla á Ísland og viðbúnaður á Þjóðhátíð Þyrlan farin vestur í hvítabjarnareftirlit Fékk sex milljónum of há laun og neitaði að endurgreiða þau Annasamt ár á Bessastöðum: Kóngafólk, keisari, umtöluð undirskrift og brúnir skór Áhrifin af stöðvunarkröfunni óveruleg Mengun gæti borist á Snæfellsnes og Vestfirði Hlutum kastað til í verslun og könnu í bílrúðu Óheppilegt ef fölsk mynd varpar sök á saklausan mann Skiptar skoðanir um umfang og kostnað vegna listaverks Ólafs í Eyjum Sakar sveitastjórann um atvinnuróg og „kæfandi klámhögg“ „Komið nóg af áföllum“ Níu ára og með sitt eigið „Fannars bakarí“ í Njarðvík Sjá meira