Úthlutuðu 2,7 milljónum úr Samfélagssjóði

Rio Tinto Alcan á Íslandi hefur úthlutað 2,7 milljónum króna úr Samfélagssjóði fyrirtækisins. Samkvæmt tilkynningu frá fyrirtækinu er þetta síðari úthlutun ársins og var jafnstórri fjárhæð úthlutað í febrúar.

„Fyrirtækið leggur sem fyrr áherslu á að styðja við málefni sem tengjast heilbrigði, öryggi, umhverfi, menntun og menningu.“

Tíu aðilar voru styrktir að þessu sinni, en Samfélagssjóðnum barst 73 umsóknir.

Matarheill: kr. 500.000, til eflingar á starfsemi félagsins.

Hafnarfjarðarkirkja: kr. 500.000, til útgáfu á ritinu „Helgistaðir við Hafnarfjörð“.

Félag lesblindra á Íslandi: kr. 400.000, til útgáfu fræðsluefnis og námskeiðahalds um lesblindu á vinnustöðum.

Töfrahurð: kr. 400.000, til útgáfu á barnabókinni „Gaman að drasli“ þar sem leiðbeint er um endurvinnslu.

Annað líf / Hjartaheill: kr. 200.000, til kynningarátaks um líffæragjafir.

Björgunarsveit Hafnarfjarðar: kr. 200.000, til kaupa á fjórhjóli.

Foreldrarfélag Áslandsskóla: kr. 150.000, til fræðsluátaks um hreyfingu og mataræði.

Öldungadeild Skýrslutæknifélags Íslands: kr. 150.000, til útgáfu á riti um sögu upplýsingatækni á Íslandi.

Karlakórinn Þrestir: kr. 100.000, til almennrar starfsemi kórsins.

Foreldrafélag Hraunavallaskóla: kr. 82.500, til merkinga á 150 endurskinsvestum með nafni og símanúmeri skólans.